Qazaqstanda azamattarǵa profilaktikalyq tekserýden ótý jáne vaktsinatsiia týraly aqparat berý úshin jańa tsifrlyq servister iske qosylady. 19 qazannan bastap úsh óńirde skrining týraly SMS-habarlama jiberý jobasy bastalady, dep habarlaidy ult.kz.
Densaýlyq saqtaý ministrliginiń málimetinshe, 19 qazannan bastap Aqmola, Abai jáne Ulytaý oblystarynyń turǵyndaryna 1414 nómiri arqyly skriningten ótý qajettigi týraly SMS jiberiledi.
Júie júrek-qantamyr jáne onkologiialyq aýrýlardy, qant diabetin, mi qanainalymynyń buzylýyn jáne virýstyq gepatitterdi erte anyqtaýǵa arnalǵan alty baǵyt boiynsha tekserýden ótýi qajet azamattardy avtomatty túrde anyqtaidy. Habarlama alǵan turǵyn ózi tirkelgen emhanaǵa júgine alady.
Ekpe týraly da SMS keledi
26 qazannan bastap elimizdiń barlyq óńirinde azamattarǵa júrgizilgen ekpeler týraly SMS-habarlama jiberý josparlanyp otyr. Vaktsina meditsinalyq aqparattyq júiege tirkelgennen keiin azamatqa nemese balanyń zańdy ókiline ekpeniń túri men egilgen kúni kórsetilgen habarlama keledi.
Eger habarlamadaǵy aqparat shyndyqqa sáikes kelmese, azamat 1414 nómirine jaýap habarlama jiberip, bul týraly habarlai alady. Málimetterdi tekserý úshin Sanitariialyq-epidemiologiialyq baqylaý komitetine joldaidy.
Meditsinalyq qyzmetter de tsifrlyq baqylaýǵa alynady
Densaýlyq saqtaý ministrligi meditsinalyq qyzmettiń kórsetilgenin rastaýǵa arnalǵan tsifrlyq sáikestendirý júiesin de keńeitip jatyr.
2026 jylǵy 7 qazandaǵy málimet boiynsha, tirkelgen 135,9 mln meditsinalyq qabyldaýdyń 73%-y tsifrlyq sáikestendirýden ótken.
Qazir bul júie meditsinalyq qyzmettiń 1 278 túrin qamtidy. Al 1 jeltoqsannan bastap tizimge konsýltatsiialardyń, diagnostikalyq zertteýler men meditsinalyq emsharalardyń taǵy 736 túrin qosý josparlanyp otyr.
Ministrliktiń málimetinshe, jańa servister profilaktikalyq tekserýlerdiń qoljetimdiligin arttyrýǵa, patsientterdiń quqyqtaryn qorǵaýǵa jáne meditsinalyq qyzmetterdiń ashyqtyǵyn qamtamasyz etýge baǵyttalǵan.
