Qorǵanys ministrligi Qaraǵandy mańynda bolǵan bolǵan ushaq apatyna qatysty tolyq aqparatty jariialady, - dep habarlaidy "Ult aqparat".
Qazirgi ýaqyttaǵy aqparatqa sáikes, Qaraǵandy qalasy mańynda apatqa ushyraǵan MiG-31 joiǵysh ushaǵyn podpolkovnik A. Qurmanǵaliev pen podpolkovnik I. Gavrilkonyń basqarǵandary belgili boldy.
Olar tájiribeli áskeri ushqyshtar. A. Qurmanǵalievtiń jalpy ushý ýaqyty 888 saǵat bolsa, al I. Gavrilkonyki -1161 saǵatty quraidy.
Apat ornyna Qazaqstan Áskeri-áýe kúshteriniń jerdegi izdestirý-qutqarý qyzmeti birinshi bolyp kelgen.
Ushqyshtarǵa oqiǵa ornynda alǵashqy meditsinalyq kómek kórsetilgennen keiin, olar Qaraǵandy qalasynyń aýrýhanasyna evakýatsiialandy.
Qazirgi kezde ushqyshtarǵa qajetti meditsinalyq kómek kórsetilýde. Dárigerler bireýiniń jaǵdaiyn qanaǵattanarlyq, ekinshisiniki ortasha aýyrlyqta dep baǵa berýde.
Qorǵanys ministrliginen taǵaiyndaǵan komissiia aviatsiialyq oqiǵanyń mán-jaiyn anyqtaýǵa kiristi. Apat ornyna Áýe qorǵanys kúshteriniń bas qolbasshysy men Áskeri-áýe kúshteriniń qolbasshysy ushyp ketti.
Aita keteiik, apatqa ushyraǵan ushaq 1991 jyly shyǵarylǵan bolatyn. Bul MiG-31 ushaǵynyń Qazaqstandaǵy tórtinshi ret apatqa ushyraýy. Budan burynǵy oqiǵalar 2007, 2008, 2013 jyldary bolatyn.
Eske salsaq, keshe Qaraǵandy oblysynda áskeri ushaqtyń apatqa ushyraǵany týraly habarladyq. Qulaǵan ushaqtan eki sarbaz zardap shekti.
