قورعانىس مينيسترلٸگٸ قاراعاندى ماڭىندا بولعان بولعان ۇشاق اپاتىنا قاتىستى تولىق اقپاراتتى جارييالادى, - دەپ حابارلايدى "ۇلت اقپارات".
قازٸرگٸ ۋاقىتتاعى اقپاراتقا سەيكەس, قاراعاندى قالاسى ماڭىندا اپاتقا ۇشىراعان ميگ-31 جويعىش ۇشاعىن پودپولكوۆنيك ا. قۇرمانعاليەۆ پەن پودپولكوۆنيك ي. گاۆريلكونىڭ باسقارعاندارى بەلگٸلٸ بولدى.
ولار تەجٸريبەلٸ ەسكەري ۇشقىشتار. ا. قۇرمانعاليەۆتٸڭ جالپى ۇشۋ ۋاقىتى 888 ساعات بولسا, ال ي. گاۆريلكونىكٸ -1161 ساعاتتى قۇرايدى.
اپات ورنىنا قازاقستان ەسكەري-ەۋە كٷشتەرٸنٸڭ جەردەگٸ ٸزدەستٸرۋ-قۇتقارۋ قىزمەتٸ بٸرٸنشٸ بولىپ كەلگەن.
ۇشقىشتارعا وقيعا ورنىندا العاشقى مەديتسينالىق كٶمەك كٶرسەتٸلگەننەن كەيٸن, ولار قاراعاندى قالاسىنىڭ اۋرۋحاناسىنا ەۆاكۋاتسييالاندى.
قازٸرگٸ كەزدە ۇشقىشتارعا قاجەتتٸ مەديتسينالىق كٶمەك كٶرسەتٸلۋدە. دەرٸگەرلەر بٸرەۋٸنٸڭ جاعدايىن قاناعاتتانارلىق, ەكٸنشٸسٸنٸكٸ ورتاشا اۋىرلىقتا دەپ باعا بەرۋدە.
قورعانىس مينيسترلٸگٸنەن تاعايىنداعان كوميسسييا اۆياتسييالىق وقيعانىڭ مەن-جايىن انىقتاۋعا كٸرٸستٸ. اپات ورنىنا ەۋە قورعانىس كٷشتەرٸنٸڭ باس قولباسشىسى مەن ەسكەري-ەۋە كٷشتەرٸنٸڭ قولباسشىسى ۇشىپ كەتتٸ.
ايتا كەتەيٸك, اپاتقا ۇشىراعان ۇشاق 1991 جىلى شىعارىلعان بولاتىن. بۇل ميگ-31 ۇشاعىنىڭ قازاقستانداعى تٶرتٸنشٸ رەت اپاتقا ۇشىراۋى. بۇدان بۇرىنعى وقيعالار 2007, 2008, 2013 جىلدارى بولاتىن.
ەسكە سالساق, كەشە قاراعاندى وبلىسىندا ەسكەري ۇشاقتىڭ اپاتقا ۇشىراعانى تۋرالى حابارلادىق. قۇلاعان ۇشاقتان ەكٸ سارباز زارداپ شەكتٸ.
