Qazaqstan Prezidenti Qasym-Jomart Toqaev Qordai aýdanyndaǵy jaǵdai turaqty ekenin aitty, dep habarlaidy "Ult aqparat" Memleket basshysynyń Twitter paraqshasyna silteme jasap.
«Qordai aýdanyndaǵy jaǵdai turaqty. Berdibek Saparbaev basqarǵan komissiia jumysyn jalǵastyrýda. Qaiǵyly jaǵdaiǵa jol bergen memorgan qyzmetkerleri men arandatýshylar jaýapqa tartylady. Zardap shekkenderge kómek kórsetiledi. Otandastarymyzǵa azamattyq jaýapkershilik ustanymdary úshin rizashylyq bildiremin», - dep jazdy Memleket basshysy.
Eske sala ketsek, 7 aqpanda Qordai aýdanyndaǵy Masanchi aýylynda jappai tóbeles bolǵan.
QR Prezidenti Qasym-Jomart Toqaev osyǵan qatysty pikir bildirdi.
«Qoǵamdyq tártipti buzǵandar jaýapkershilikke tartylady», dep jazdy Memleket basshysy Twitter paraqshasynda.
Al senbi, 8 aqpanda Memleket basshysy Jambyl oblysyndaǵy oqiǵaǵa bailanysty málimdeme jasady. Memleket basshysynyń tapsyrmasymen Qordai aýdanyndaǵy oqiǵa saldaryn joiý jónindegi Úkimet komissiiasy quryldy.
Ishki ister ministri Erlan Turǵymbaev pen Aqparat jáne qoǵamdyq damý ministri Dáýren Abaev Qordai aýdanyndaǵy janjalǵa qatysty OKQ-da baspasóz máslihatyn ótkizdi. «8 adam kóz jumdy. 40-tan astam adam jaraqat aldy», - dedi Ishki ister ministri.
