Taýarlardyń baǵasyn bólshek saýda sýbektileri, iaǵni «úidiń janyndaǵy dúkender» kóteredi. Bul týraly Úkimet otyrysynda Básekelestikti qorǵaý jáne damytý agenttiginiń tóraǵasy Serik Jumanǵarin aitty, dep habarlaidy QazAqparat.
«Tutyný taýarlary men qyzmetteriniń baǵasyn kóterý faktilerin jedel anyqtaý jáne jolyn kesý maqsatynda habarlamalar qabyldaý úshin jedel jeli quryldy. Búgingi tańda Agenttiktiń senim telefonyna 2000-nan astam ótinish kelip tústi. Onyń ishinde habarlamalardyń 50% - y Almaty qalasynyń turǵyndarynan, 30%-y elordamyzdan, 20% - y basqa óńirlerden kelip tústi», - dedi S. Jumanǵarin.
Onyń aitýynsha, 70 paiyz jaǵdaida áleýmettik mańyzy bar azyq-túlik taýarlaryna baǵany asyrý faktilerine qatysty.
«Kóp jaǵdaida taýarlardyń baǵasyn bólshek saýda sýbektileri kóteredi, atap aitqanda «úidiń janyndaǵy dúkender». Osy dúkender kóbine 15 %-dyq saýda ústemesin saqtamaidy. Nátijesinde, monopoliiaǵa qarsy organ kelip túsken shaǵymdar boiynsha óz quzyreti aiasynda sharalar qabyldaidy. Úidiń janyndaǵy bólshek saýda dúkenderindegi baǵanyń ósýi jónindegi shaǵymdar jergilikti atqarýshy organdarǵa joldanady. Basqa shaǵymdar quzyreti boiynsha ýákiletti organdarǵa joldanady», - dedi agenttik basshysy.
Onyń paiymynsha, osyǵan bailanysty «Saýda qyzmetin retteý týraly» QR Zańynyń 9-babynyń 1-tarmaǵyna sáikes jergilikti atqarýshy organdar tarapynan saýdaǵa baqylaý-qadaǵalaý fýnktsiialaryn kúsheitý qajet.
