تاۋارلاردىڭ باعاسىن بٶلشەك ساۋدا سۋبەكتٸلەرٸ, ياعني «ٷيدٸڭ جانىنداعى دٷكەندەر» كٶتەرەدٸ. بۇل تۋرالى ٷكٸمەت وتىرىسىندا بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين ايتتى, دەپ حابارلايدى قازاقپارات.
«تۇتىنۋ تاۋارلارى مەن قىزمەتتەرٸنٸڭ باعاسىن كٶتەرۋ فاكتٸلەرٸن جەدەل انىقتاۋ جەنە جولىن كەسۋ ماقساتىندا حابارلامالار قابىلداۋ ٷشٸن جەدەل جەلٸ قۇرىلدى. بٷگٸنگٸ تاڭدا اگەنتتٸكتٸڭ سەنٸم تەلەفونىنا 2000-نان استام ٶتٸنٸش كەلٸپ تٷستٸ. ونىڭ ٸشٸندە حابارلامالاردىڭ 50% - ى الماتى قالاسىنىڭ تۇرعىندارىنان, 30%-ى ەلوردامىزدان, 20% - ى باسقا ٶڭٸرلەردەن كەلٸپ تٷستٸ», - دەدٸ س. جۇمانعارين.
ونىڭ ايتۋىنشا, 70 پايىز جاعدايدا ەلەۋمەتتٸك ماڭىزى بار ازىق-تٷلٸك تاۋارلارىنا باعانى اسىرۋ فاكتٸلەرٸنە قاتىستى.
«كٶپ جاعدايدا تاۋارلاردىڭ باعاسىن بٶلشەك ساۋدا سۋبەكتٸلەرٸ كٶتەرەدٸ, اتاپ ايتقاندا «ٷيدٸڭ جانىنداعى دٷكەندەر». وسى دٷكەندەر كٶبٸنە 15 %-دىق ساۋدا ٷستەمەسٸن ساقتامايدى. نەتيجەسٸندە, مونوپوليياعا قارسى ورگان كەلٸپ تٷسكەن شاعىمدار بويىنشا ٶز قۇزىرەتٸ اياسىندا شارالار قابىلدايدى. ٷيدٸڭ جانىنداعى بٶلشەك ساۋدا دٷكەندەرٸندەگٸ باعانىڭ ٶسۋٸ جٶنٸندەگٸ شاعىمدار جەرگٸلٸكتٸ اتقارۋشى ورگاندارعا جولدانادى. باسقا شاعىمدار قۇزىرەتٸ بويىنشا ۋەكٸلەتتٸ ورگاندارعا جولدانادى», - دەدٸ اگەنتتٸك باسشىسى.
ونىڭ پايىمىنشا, وسىعان بايلانىستى «ساۋدا قىزمەتٸن رەتتەۋ تۋرالى» قر زاڭىنىڭ 9-بابىنىڭ 1-تارماعىنا سەيكەس جەرگٸلٸكتٸ اتقارۋشى ورگاندار تاراپىنان ساۋداعا باقىلاۋ-قاداعالاۋ فۋنكتسييالارىن كٷشەيتۋ قاجەت.
