Ánshi Roza Álqoja "Kezdesý shoý" YouTube arnasyna bergen suhbatynda qarjylyq jaǵdaiy týraly ashyq aityp, krediti bar ekenin jasyrmady, dep habarlaidy ult.kz.

Óner iesiniń sózinshe, kópshilik sahnada júrgen adamdardyń barlyǵyn aýqatty dep qabyldaidy. Alaida áleýmettik jelide kórinetin sándi ómir men shynaiy turmystyń arasynda aiyrmashylyq bar.

Ánshi jelide adamdar kóbine ómiriniń jaqsy sátterin ǵana kórsetip, otbasyndaǵy qiyndyqtar men kúndelikti máselelerdi kópshilikke jariialai bermeitinin aitty.

“Biz kóbine ótirik aitamyz. Keremet januia bolyp kórinemiz. Ótirik qoi! Biz tek jyltyraǵan jaǵyn salamyz”, – dedi Roza Álqoja.

Ol óziniń de jurt oilaǵandai ýaiymsyz ári minsiz ómir súrmeitinin aityp, kreditpen ómir súretinin jetkizdi.

Aita keteiik, Roza Álqoja týǵan kúninde kóz jasyna erik berdi.

Roza Álqoja kim?
 

Roza Álqoja – qazaq estradasynyń tanymal ánshisi, aqyn, kompozitor ári kásibi jýrnalist. Ol ál-Farabi atyndaǵy Qazaq ulttyq ýniversitetiniń jýrnalistika fakýltetin támamdap, eńbek jolyn «Aq jol – Qazaqstan» gazetiniń óner bóliminde bastaǵan. Keiin shyǵarmashylyqqa birjola bet burdy.

Óner iesi «Men syiǵa tartqan oramal», «Jylatqanyń netkeniń», «Qara kúz», «Júrek nazy», «Myna ómir ǵajap qandai» sekildi ánderimen keńinen tanyldy. 2008 jyly «Men syiǵa tartqan oramal» atty alǵashqy albomy jaryq kórgen. Roza Álqoja óz repertýarymen qatar ózge ánshilerge de án jazǵan.

Roza Álqoja 1981 jylǵy 1 qazanda dúniege kelgen. Tanymal ánshi Ábdijappar Álqoja – onyń týǵan inisi.