Qazaqstannyń Konstitýtsiialyq soty qylmystyq protseste dáleldemelerdi baǵalaýǵa qatysty Joǵarǵy Sottyń normalarynyń konstitýtsiialylyǵyn qarady. Iske aýdio jáne beijazbalar negizgi aiǵaq retinde usynylǵan qylmystyq is sebep bolǵan, dep habarlaidy ult.kz.
Konstitýtsiialyq sottyń málimetinshe, zań talaptaryn saqtai otyryp alynǵan málimetter ǵana jol beriletin dáleldeme retinde tanylady.
Sonymen qatar Joǵarǵy Sottyń tiisti normalary tergeý organdary men sotty kez kelgen aýdio nemese beijazbany muqiiat tekserý mindetinen bosatpaidy. Ár jazbanyń iske qatystylyǵy, zańdylyǵy jáne shynaiylyǵy jeke baǵalanýy tiis.
Konstitýtsiialyq sot sheshiminde birneshe mańyzdy jait atap ótildi.
- Ár is jeke qaralady. Qylmystyq qýdalaý organdary men sot naqty is aiasynda aýdio nemese beijazbanyń qandai jolmen alynǵanyn anyqtaýy kerek.
- Jeke ómirge qol suqpaýshylyq saqtalýy tiis. Aýdio jáne beijazbalardy jinaý kezinde adamnyń jeke ómirine qatysty quqyqtarynyń saqtalýy sotta jan-jaqty taldanýy qajet.
Osylaisha, aýdio nemese beijazbanyń bolýy onyń avtomatty túrde sotta dálel retinde qabyldanatynyn bildirmeidi. Mundai materialdyń qalai alynǵany, zań talaptarynyń saqtalǵany jáne onyń shynaiylyǵy mindetti túrde quqyqtyq turǵydan tekseriledi.
