قازاقستاننىڭ كونستيتۋتسييالىق سوتى قىلمىستىق پروتسەستە دەلەلدەمەلەردٸ باعالاۋعا قاتىستى جوعارعى سوتتىڭ نورمالارىنىڭ كونستيتۋتسييالىلىعىن قارادى. ٸسكە اۋديو جەنە بەيجازبالار نەگٸزگٸ ايعاق رەتٸندە ۇسىنىلعان قىلمىستىق ٸس سەبەپ بولعان, دەپ حابارلايدى ult.kz.
كونستيتۋتسييالىق سوتتىڭ مەلٸمەتٸنشە, زاڭ تالاپتارىن ساقتاي وتىرىپ الىنعان مەلٸمەتتەر عانا جول بەرٸلەتٸن دەلەلدەمە رەتٸندە تانىلادى.
سونىمەن قاتار جوعارعى سوتتىڭ تيٸستٸ نورمالارى تەرگەۋ ورگاندارى مەن سوتتى كەز كەلگەن اۋديو نەمەسە بەيجازبانى مۇقييات تەكسەرۋ مٸندەتٸنەن بوساتپايدى. ەر جازبانىڭ ٸسكە قاتىستىلىعى, زاڭدىلىعى جەنە شىنايىلىعى جەكە باعالانۋى تيٸس.
كونستيتۋتسييالىق سوت شەشٸمٸندە بٸرنەشە ماڭىزدى جايت اتاپ ٶتٸلدٸ.
- ەر ٸس جەكە قارالادى. قىلمىستىق قۋدالاۋ ورگاندارى مەن سوت ناقتى ٸس اياسىندا اۋديو نەمەسە بەيجازبانىڭ قانداي جولمەن الىنعانىن انىقتاۋى كەرەك.
- جەكە ٶمٸرگە قول سۇقپاۋشىلىق ساقتالۋى تيٸس. اۋديو جەنە بەيجازبالاردى جيناۋ كەزٸندە ادامنىڭ جەكە ٶمٸرٸنە قاتىستى قۇقىقتارىنىڭ ساقتالۋى سوتتا جان-جاقتى تالدانۋى قاجەت.
وسىلايشا, اۋديو نەمەسە بەيجازبانىڭ بولۋى ونىڭ اۆتوماتتى تٷردە سوتتا دەلەل رەتٸندە قابىلداناتىنىن بٸلدٸرمەيدٸ. مۇنداي ماتەريالدىڭ قالاي الىنعانى, زاڭ تالاپتارىنىڭ ساقتالعانى جەنە ونىڭ شىنايىلىعى مٸندەتتٸ تٷردە قۇقىقتىق تۇرعىدان تەكسەرٸلەدٸ.
