Elbasymyzdyń «Bolashaqqa baǵdar: rýhani jańǵyrý» baǵdarlamalyq maqalasyndaǵy mindetterdi júzege asyrý úshin oblysta kóptegen is-sharalar ótýde. Solardyń biri jýyrda Ordabasy aýdanynda uiymdastyryldy, dep habarlaidy Ult.kz tilshisi.
«Ardagerler keńesi» oblystyq qoǵamdyq birlestiginiń bastamasymen, «Ata-baba dástúri–urpaqqa amanat» baǵdarlamasy aiasynda Ordabasy aýdanynda "Kóneden jetken syr-sandyq" taqyrybynda aýdanaralyq is-shara ótti. Oblystyq ardagerler keńesiniń tóraǵasy Jeńisbek Máýlenqulov bastaǵan top aldymen Qajymuqan Muńaitpasov atyndaǵy oblystyq sport murajaiyna at basyn buryp, balýannyń eskertkishine gúl shoqtaryn qoidy.
Aýdandyq mádeniet úiinde qolóner sheberleriniń kórmesi uiymdastyrylyp, "Ordabasy" ulttyq -aspaptyq orkestiri jiynǵa qatysýshylardy áýeletken án-kúimen qarsy aldy.
Saltanatty jiyndy aýdan ákimi Rashid Qaiypjanov ashyp:
- Búgingi kezdesýdiń «Kóneden jetken syr-sandyq» taqyrybymen ótýi – kezdeisoq emes. Óitkeni, ulttyq ustanymdarymyzdy osyndai jiyndar arqyly urpaq boiyna sińirip, olardy saltymyzǵa, dástúrimizge, bolmysymyzǵa qaishy keletin áreketterden saqtandyrýymyz qajet, - dedi. Sonymen qatar, aǵa býynnyń ulaǵatty urpaq qalyptastyrýdaǵy eńbekterine jemis tiledi.
"Kóneden jetken syr-sandyq" taqyryby aiasynda, ónegeli ómirimen tanylǵan ardager-ustaz, Shubar aýyl okrýgi ájeler alqasynyń tóraiymy Rymkúl Ertaidyń taǵdyry sahnalandy. Kórinis barysynda 76 jasar Rymkúl ana myń buralǵan biimen kópshilikti tańdandyrdy.
Ordabasylyqtardan soń sahnaǵa Báidibek aýdanynyń ardagerleri shyǵyp, tórkindeý saltynyń qyr-syryn tanytatyn qoiylym kórsetti. Al, Arys qalasynan kelgen qonaqtar "bie qysyramas" dástúriniń erekshelikterin pash etti.
Jiynǵa sondai-aq, «Yrys aldy - yntymaq» oblystyq qoǵamdyq forýmynyń hatshysy, «Alash» syilyǵynyń iegeri Marhabat Baiǵut, oblystyq ardagerler keńesi tóraǵasynyń orynbasary, oblystyq «Ájeler alqasy» tóraiymy Úrzada Aitóreeva, Qazaqstannyń Qurmetti jýrnalisti Baidýlla Qonysbek, tyl eńbekkeri, ardager Sherim Medeýov, eńbek ardageri, pedagogikalyq ǵylymdarynyń doktory, professor, Qazaqstan Respýblikasynyń Mádeniet qairatkeri Nesiphanym Kamalova, qoǵam qairatkeri Shalatai Myrzahmetov, aqyn, K.Simonov atyndaǵy halyqaralyq syilyqtyń iegeri Narmahan Begalyuly qatysty.
