ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى مٸندەتتەردٸ جٷزەگە اسىرۋ ٷشٸن وبلىستا كٶپتەگەن ٸس-شارالار ٶتۋدە. سولاردىڭ بٸرٸ جۋىردا ورداباسى اۋدانىندا ۇيىمداستىرىلدى, دەپ حابارلايدى ۇلت.كز تٸلشٸسٸ.
«ارداگەرلەر كەڭەسٸ» وبلىستىق قوعامدىق بٸرلەستٸگٸنٸڭ باستاماسىمەن, «اتا-بابا دەستٷرٸ–ۇرپاققا امانات» باعدارلاماسى اياسىندا ورداباسى اۋدانىندا "كٶنەدەن جەتكەن سىر-ساندىق" تاقىرىبىندا اۋدانارالىق ٸس-شارا ٶتتٸ. وبلىستىق ارداگەرلەر كەڭەسٸنٸڭ تٶراعاسى جەڭٸسبەك مەۋلەنقۇلوۆ باستاعان توپ الدىمەن قاجىمۇقان مۇڭايتپاسوۆ اتىنداعى وبلىستىق سپورت مۇراجايىنا ات باسىن بۇرىپ, بالۋاننىڭ ەسكەرتكٸشٸنە گٷل شوقتارىن قويدى.
اۋداندىق مەدەنيەت ٷيٸندە قولٶنەر شەبەرلەرٸنٸڭ كٶرمەسٸ ۇيىمداستىرىلىپ, "ورداباسى" ۇلتتىق -اسپاپتىق وركەستٸرٸ جيىنعا قاتىسۋشىلاردى ەۋەلەتكەن ەن-كٷيمەن قارسى الدى.
سالتاناتتى جيىندى اۋدان ەكٸمٸ راشيد قايىپجانوۆ اشىپ:
- بٷگٸنگٸ كەزدەسۋدٸڭ «كٶنەدەن جەتكەن سىر-ساندىق» تاقىرىبىمەن ٶتۋٸ – كەزدەيسوق ەمەس. ٶيتكەنٸ, ۇلتتىق ۇستانىمدارىمىزدى وسىنداي جيىندار ارقىلى ۇرپاق بويىنا سٸڭٸرٸپ, ولاردى سالتىمىزعا, دەستٷرٸمٸزگە, بولمىسىمىزعا قايشى كەلەتٸن ەرەكەتتەردەن ساقتاندىرۋىمىز قاجەت, - دەدٸ. سونىمەن قاتار, اعا بۋىننىڭ ۇلاعاتتى ۇرپاق قالىپتاستىرۋداعى ەڭبەكتەرٸنە جەمٸس تٸلەدٸ.
"كٶنەدەن جەتكەن سىر-ساندىق" تاقىرىبى اياسىندا, ٶنەگەلٸ ٶمٸرٸمەن تانىلعان ارداگەر-ۇستاز, شۇبار اۋىل وكرۋگٸ ەجەلەر القاسىنىڭ تٶرايىمى رىمكٷل ەرتايدىڭ تاعدىرى ساحنالاندى. كٶرٸنٸس بارىسىندا 76 جاسار رىمكٷل انا مىڭ بۇرالعان بيٸمەن كٶپشٸلٸكتٸ تاڭداندىردى.
ورداباسىلىقتاردان سوڭ ساحناعا بەيدٸبەك اۋدانىنىڭ ارداگەرلەرٸ شىعىپ, تٶركٸندەۋ سالتىنىڭ قىر-سىرىن تانىتاتىن قويىلىم كٶرسەتتٸ. ال, ارىس قالاسىنان كەلگەن قوناقتار "بيە قىسىراماس" دەستٷرٸنٸڭ ەرەكشەلٸكتەرٸن پاش ەتتٸ.
جيىنعا سونداي-اق, «ىرىس الدى - ىنتىماق» وبلىستىق قوعامدىق فورۋمىنىڭ حاتشىسى, «الاش» سىيلىعىنىڭ يەگەرٸ مارحابات بايعۇت, وبلىستىق ارداگەرلەر كەڭەسٸ تٶراعاسىنىڭ ورىنباسارى, وبلىستىق «ەجەلەر القاسى» تٶرايىمى ٷرزادا ايتٶرەەۆا, قازاقستاننىڭ قۇرمەتتٸ جۋرناليستٸ بايدۋللا قونىسبەك, تىل ەڭبەككەرٸ, ارداگەر شەرٸم مەدەۋوۆ, ەڭبەك ارداگەرٸ, پەداگوگيكالىق عىلىمدارىنىڭ دوكتورى, پروفەسسور, قازاقستان رەسپۋبليكاسىنىڭ مەدەنيەت قايراتكەرٸ نەسٸپحانىم كامالوۆا, قوعام قايراتكەرٸ شالاتاي مىرزاحمەتوۆ, اقىن, ك.سيمونوۆ اتىنداعى حالىقارالىق سىيلىقتىڭ يەگەرٸ نارماحان بەگالىۇلى قاتىستى.
