Memlekettik komissiia Qyzylorda oblysy Jalaǵash aýdanyndaǵy Mi-8 tikushaǵynyń apatqa ushyraýyna sebep bolǵan nusqalardy zerttep jatyr, dep habarlaidy QazAqparat tilshisi.
OKQ-daǵy baspasóz máslihatynda QR Qarýly kúshteri QR áskeri-áýe kúshteriniń qolbasshysy Dáýren Qosanovtyń aitýyna qaraǵanda, QR zańyna sáikes, kóz jumǵan áskeri qyzmetshilerdiń otbasyna bir jolǵy ótemaqy beriledi. Bul - onyń 5 jyldyq jumysy boiynsha jalaqysy. Sonymen birge, otbasylar qyzmettik baspanany qaitarymsyz zańdastyryp alýǵa quqyly. Jerleý rásimi boiynsha barlyq shyǵyndar óteledi. Sondai-aq, otbasynda qansha adamnyń bolýyna bailanysty baspanaǵa qatysty ótemaqy tólenedi. Bul adam basyna qarai ár áskeri qyzmetshiniń otbasyna ártúrli ótemaqy berilmek.
«Mi-8 - 1988 shyǵarylǵan tikushaq. Almaty qalasyndaǵy №405 aviajóndeý zaýytynda kúrdeli jóndeýden ótken. Zaýyttan shyqqannan keiin tikushaqqa áýede 2000 saǵat nemese 8 jyl ushý resýrsy beriledi. Búginge deiin tikushaq áýede 773 saǵat ushqan. Tehnikalyq turǵyda tikushaq aqaýsyz. Memlekettik komissiia tergeý júrgizip jatqandyqtan, Mi-8 tipti tikushaqtardyń ushýy toqtatyldy. Apta boiy olar tehnikalyq tekseristen ótedi. Mi-8 - postkeńestik elderdiń ishinde ǵana emes, búkil álemdegi eń adam kóp siiaqtyn tikushaq sanalady. Eń qarapaiym ári senimdi tikushaq. Qazirgi tańda biz Mi-17 jáne Mi-171 tikushaqtaryn, sonymen birge Mi-35 jaýyngerlik tikushaqtaryn satyp alýdamyz. Josparly jumystar júrýde», - deidi Dáýren Qosanov.
Ol Memlekettk komissiia tergeý amaldaryn júrgizip jatqanyn atap ótti.
«Nátijesi resmi túrde habarlanady. Barlyq sebepter saralanýda: tehnikanyń istemei qalýy, adami faktor jáne meteojaǵdai. Men komissiia múshesi emespin. Sol sebepti, ol jaiynda pikir bildirýge qaqym joq. Qara jáshik memlekettik komissiiada. Ony tekserý quyǵy bizde joq», - deidi Dáýren Qosanov.
Eske sala ketsek, QR IIM TJK baspasóz qyzmeti buǵan deiin Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn habarlaǵan bolatyn.
Qorǵanys ministrliginiń aqparatyna sáikes, atalǵan tikushaq 4 birdei áskeri tikushaq quramynan turatyn bólimmen birge Aqtaý qalasynan Shymkentke ushyp bara jatqan. Ushý sapary arnaiy bólimshelerdiń «Altyn jebe» keshendi oqý jáne jattyǵý aiasynda qarańǵyda ári kúrdeli meteorologiialyq jaǵdaida júrgizilgen.
Tikushaqta bolǵan 13 adam qaza tapty.
