Májilis depýtaty Dáýlet Muqaevtyń jubaiyn parlamenttik atribýttardy paidalanyp quttyqtaýyna qatysty júrgizilgen tekserýdiń nátijesi belgili boldy, dep habarlaidy ult.kz.
Eske salaiyq, buǵan deiin depýtattyń jubaiyn parlament atribýttaryn qoldana otyryp quttyqtaǵan videosy men kamera ornatylǵan smart-kózildirikpen Parlament ǵimaratyna kelýi áleýmettik jelide qyzý talqyǵa túsken edi.
Májilis apparatynyń túsindirýinshe, video túsirilimi plenarlyq otyrys zalynyń aldyndaǵy holl aýmaǵynda júrgizilgen. Atalǵan jerde foto jáne video túsirýge tyiym salynbaǵan.
Al Ortalyq sailaý komissiiasy depýtattarǵa qatysty tártiptik máseleler Palata tóraǵasy nemese Parlament Biýrosy tarapynan resmi jazbasha ótinish túsken jaǵdaida ǵana qaralatynyn habarlady.
Nátijesinde júrgizilgen tekseris barysynda Dáýlet Muqaevqa qatysty zań talaptarynyń buzylǵany rastalmaǵany belgili boldy.
