Foto: TOO Avtotehlain
Aqtóbede júk kólikterin zańsyz tirkegen qylmystyq toptyń isi sotqa joldandy. Memleketke keltirilgen shyǵyn 705 mln teńgeni qurady, dep habarlaidy Ult.kz.
Qarjy monitoringi agenttiginiń Aqtóbe oblysy boiynsha departamenti prokýratýranyń úilestirýimen mindetti tólemderden jaltarý maqsatynda kólikterdi zańsyz esepke qoiǵan uiymdasqan topqa qatysty tergeýdi aiaqtady.
Tergeý derekterine sáikes, top músheleri Aqtóbe, Atyraý jáne Batys Qazaqstan oblystarynda N3 sanatyndaǵy júk tartqyshtar men M1 sanatyndaǵy jeńil avtokólikterdi qosa alǵanda, barlyǵy 82 kólikti zańsyz tirkegen.
Qylmystyq shemaǵa 9 adam qatysqan, olardyń arasynda avtoinspektor men notariýs bolǵan.
Kúdiktiler klientterdi messendjerler men internet arqyly taýyp, kólikti mindetti tólemdersiz tirkeýdi usynǵan. Kelisimnen keiin uiymdastyrýshy kólik derekterin ishki ister organdarynyń qyzmetkerine joldap, buryn esepten shyǵarylǵan, tehnikalyq sipattamalary uqsas kólikterdi iriktetken.
Odan ári jalǵan satyp alý-satý sharttary men senimhattar rásimdelip, qujattar arnaiy HQKO arqyly ótkizilip, kólikter zańsyz tirkelgen. Notariýstyq áreketter zańdy ielerdiń qatysýynsyz júrgizilgen.
Saldarynan memleketke 705 mln teńge kóleminde shyǵyn keltirildi. Sot sanktsiiasymen kúdiktilerdiń 2,4 mlrd teńge turatyn múlkine tyiym salyndy. Bes adam qamaýǵa alynyp, úsheýi úiqamaqqa jiberildi.
Qylmystyq is sotqa joldandy. Ózge málimetter Qylmystyq-protsestik kodekstiń 201-babyna sáikes jariialanbaidy.
