فوتو: توو اۆتوتەحلاين
اقتٶبەدە جٷك كٶلٸكتەرٸن زاڭسىز تٸركەگەن قىلمىستىق توپتىڭ ٸسٸ سوتقا جولداندى. مەملەكەتكە كەلتٸرٸلگەن شىعىن 705 ملن تەڭگەنٸ قۇرادى, دەپ حابارلايدى Ult.kz.
قارجى مونيتورينگٸ اگەنتتٸگٸنٸڭ اقتٶبە وبلىسى بويىنشا دەپارتامەنتٸ پروكۋراتۋرانىڭ ٷيلەستٸرۋٸمەن مٸندەتتٸ تٶلەمدەردەن جالتارۋ ماقساتىندا كٶلٸكتەردٸ زاڭسىز ەسەپكە قويعان ۇيىمداسقان توپقا قاتىستى تەرگەۋدٸ اياقتادى.
تەرگەۋ دەرەكتەرٸنە سەيكەس, توپ مٷشەلەرٸ اقتٶبە, اتىراۋ جەنە باتىس قازاقستان وبلىستارىندا N3 ساناتىنداعى جٷك تارتقىشتار مەن M1 ساناتىنداعى جەڭٸل اۆتوكٶلٸكتەردٸ قوسا العاندا, بارلىعى 82 كٶلٸكتٸ زاڭسىز تٸركەگەن.
قىلمىستىق سحەماعا 9 ادام قاتىسقان, ولاردىڭ اراسىندا اۆتوينسپەكتور مەن نوتاريۋس بولعان.
كٷدٸكتٸلەر كليەنتتەردٸ مەسسەندجەرلەر مەن ينتەرنەت ارقىلى تاۋىپ, كٶلٸكتٸ مٸندەتتٸ تٶلەمدەرسٸز تٸركەۋدٸ ۇسىنعان. كەلٸسٸمنەن كەيٸن ۇيىمداستىرۋشى كٶلٸك دەرەكتەرٸن ٸشكٸ ٸستەر ورگاندارىنىڭ قىزمەتكەرٸنە جولداپ, بۇرىن ەسەپتەن شىعارىلعان, تەحنيكالىق سيپاتتامالارى ۇقساس كٶلٸكتەردٸ ٸرٸكتەتكەن.
ودان ەرٸ جالعان ساتىپ الۋ-ساتۋ شارتتارى مەن سەنٸمحاتتار رەسٸمدەلٸپ, قۇجاتتار ارنايى حقكو ارقىلى ٶتكٸزٸلٸپ, كٶلٸكتەر زاڭسىز تٸركەلگەن. نوتاريۋستىق ەرەكەتتەر زاڭدى يەلەردٸڭ قاتىسۋىنسىز جٷرگٸزٸلگەن.
سالدارىنان مەملەكەتكە 705 ملن تەڭگە كٶلەمٸندە شىعىن كەلتٸرٸلدٸ. سوت سانكتسيياسىمەن كٷدٸكتٸلەردٸڭ 2,4 ملرد تەڭگە تۇراتىن مٷلكٸنە تىيىم سالىندى. بەس ادام قاماۋعا الىنىپ, ٷشەۋٸ ٷيقاماققا جٸبەرٸلدٸ.
قىلمىستىق ٸس سوتقا جولداندى. ٶزگە مەلٸمەتتەر قىلمىستىق-پروتسەستٸك كودەكستٸڭ 201-بابىنا سەيكەس جارييالانبايدى.
