Oqiǵa 17 qyrkúiekte turǵyn úilerdiń biriniń mańynda bolǵan. Stýdent qyz Lada Vesta avtokóligin kólikter shyǵatyn qaqpanyń aldyna qoiyp, ózi sabaqqa ketken, dep habarlaidy ult.kz.
Shamamen bir jarym saǵattan keiin qyz kóligine qaita kelgende, ashýǵa býlyqqan er adammen janjaldasyp qalǵan. Belgili bolǵandai, er adam kólik iesin shamamen 40 minýt kútken.
Janjal kezinde qyz kólikke otyrýǵa áreket jasaǵan sátte er adam onyń kóliginiń esigin teýip qalǵan. Sonyń saldarynan esik qyzdyń basyna tigen.
Politsiianyń málimetinshe, qaqpanyń aldynda bul aýmaqtyń kólikter shyǵatyn jol ekendigin kórsetetin jol belgileri nemese basqa da arnaiy belgiler bolmaǵan. Qazirgi ýaqytta bul jaǵdai da tekserý aiasynda anyqtalyp jatyr.
Er adamnyń jeke basy anyqtaldy. Oǵan qatysty buzaqylyq faktisi boiynsha sotqa deiingi tergeý bastaldy.
Tergeý qorytyndysy boiynsha túpkilikti protsestik sheshim qabyldanady.
