وقيعا 17 قىركٷيەكتە تۇرعىن ٷيلەردٸڭ بٸرٸنٸڭ ماڭىندا بولعان. ستۋدەنت قىز Lada Vesta اۆتوكٶلٸگٸن كٶلٸكتەر شىعاتىن قاقپانىڭ الدىنا قويىپ, ٶزٸ ساباققا كەتكەن, دەپ حابارلايدى ult.kz.
شامامەن بٸر جارىم ساعاتتان كەيٸن قىز كٶلٸگٸنە قايتا كەلگەندە, اشۋعا بۋلىققان ەر اداممەن جانجالداسىپ قالعان. بەلگٸلٸ بولعانداي, ەر ادام كٶلٸك يەسٸن شامامەن 40 مينۋت كٷتكەن.
جانجال كەزٸندە قىز كٶلٸككە وتىرۋعا ەرەكەت جاساعان سەتتە ەر ادام ونىڭ كٶلٸگٸنٸڭ ەسٸگٸن تەۋٸپ قالعان. سونىڭ سالدارىنان ەسٸك قىزدىڭ باسىنا تيگەن.
پوليتسييانىڭ مەلٸمەتٸنشە, قاقپانىڭ الدىندا بۇل اۋماقتىڭ كٶلٸكتەر شىعاتىن جول ەكەندٸگٸن كٶرسەتەتٸن جول بەلگٸلەرٸ نەمەسە باسقا دا ارنايى بەلگٸلەر بولماعان. قازٸرگٸ ۋاقىتتا بۇل جاعداي دا تەكسەرۋ اياسىندا انىقتالىپ جاتىر.
ەر ادامنىڭ جەكە باسى انىقتالدى. وعان قاتىستى بۇزاقىلىق فاكتٸسٸ بويىنشا سوتقا دەيٸنگٸ تەرگەۋ باستالدى.
تەرگەۋ قورىتىندىسى بويىنشا تٷپكٸلٸكتٸ پروتسەستٸك شەشٸم قابىلدانادى.
