Foto: 2gis
Qala ákimi Altai Kólginov elordalyq stadionǵa qatysty para alý deregin tergeý týraly pikir bildirdi, - dep habarlaidy Tengrinews.kz agenttigi.
"Qajymuqan Muńaitpasov atyndaǵy stadion týraly aitaiyn. 2020 jyly kúrdeli jóndeý jobasy bar edi. Qurylys-montaj jumystaryna konkýrs jariialap, merdigerdi anyqtadyq. Merdiger jobany júzege asyrýǵa kirisken boida qurylym júktemeni kótere almai, bolashaqta buzylý qaýpin týdyrýy múmkin ekeni anyqtaldy", - dedi Kólginov.
Ákim stadionǵa qatysty saraptama qorytyndysy qabyldanǵanyn aitty.
"Sarapshylar qorytyndy jasady. Biraq qalalyq Tótenshe jaǵdailar departamentindegi jaǵdaidy eskere otyryp, aqparatty qaita tekseremiz dep oilaimyn. Stadion oń jaǵalaýdaǵy aýdanǵa qajet, óitkeni sportpen, fýtbolmen áýestenetinder sany artyp keledi. Ol jerge jańa nysan - sol stadiondy salý kerek", - dep jaýap berdi ákim.
2021 jylǵy qazanda Nur-Sultandaǵy Qajymuqan Muńaitpasov atyndaǵy ortalyq stadiondy apatty dep tanyǵan. Ǵimarat pen kórermen minberi qiratylyp, ornyna jańa keshen salynady.
Eske salaiyq, buǵan deiin Antikor Nur-Sultandaǵy stadionǵa qatysty para alý deregin tergep jatqany belgili bolǵan edi.
