فوتو: 2gis
قالا ەكٸمٸ التاي كٶلگٸنوۆ ەلوردالىق ستاديونعا قاتىستى پارا الۋ دەرەگٸن تەرگەۋ تۋرالى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ.
"قاجىمۇقان مۇڭايتپاسوۆ اتىنداعى ستاديون تۋرالى ايتايىن. 2020 جىلى كٷردەلٸ جٶندەۋ جوباسى بار ەدٸ. قۇرىلىس-مونتاج جۇمىستارىنا كونكۋرس جارييالاپ, مەردٸگەردٸ انىقتادىق. مەردٸگەر جوبانى جٷزەگە اسىرۋعا كٸرٸسكەن بويدا قۇرىلىم جٷكتەمەنٸ كٶتەرە الماي, بولاشاقتا بۇزىلۋ قاۋپٸن تۋدىرۋى مٷمكٸن ەكەنٸ انىقتالدى", - دەدٸ كٶلگٸنوۆ.
ەكٸم ستاديونعا قاتىستى ساراپتاما قورىتىندىسى قابىلدانعانىن ايتتى.
"ساراپشىلار قورىتىندى جاسادى. بٸراق قالالىق تٶتەنشە جاعدايلار دەپارتامەنتٸندەگٸ جاعدايدى ەسكەرە وتىرىپ, اقپاراتتى قايتا تەكسەرەمٸز دەپ ويلايمىن. ستاديون وڭ جاعالاۋداعى اۋدانعا قاجەت, ٶيتكەنٸ سپورتپەن, فۋتبولمەن ەۋەستەنەتٸندەر سانى ارتىپ كەلەدٸ. ول جەرگە جاڭا نىسان - سول ستاديوندى سالۋ كەرەك", - دەپ جاۋاپ بەردٸ ەكٸم.
2021 جىلعى قازاندا نۇر-سۇلتانداعى قاجىمۇقان مۇڭايتپاسوۆ اتىنداعى ورتالىق ستاديوندى اپاتتى دەپ تانىعان. عيمارات پەن كٶرەرمەن مٸنبەرٸ قيراتىلىپ, ورنىنا جاڭا كەشەن سالىنادى.
ەسكە سالايىق, بۇعان دەيٸن انتيكور نۇر-سۇلتانداعى ستاديونعا قاتىستى پارا الۋ دەرەگٸن تەرگەپ جاتقانى بەلگٸلٸ بولعان ەدٸ.
