© Sputnik / Vladislav Vodnev
Nur-Sultan qalasynyń ákimi Altai Kólginov suhbat barysynda balalary jylyna birneshe million teńgege jeke mektepte oqidy degen synǵa jaýap berdi, dep habarlaidy Sputnik Qazaqstan.
Ol aqparatty jalǵan dep atady. Qala basshysynyń suhbatynyń úzindisi chinovnik_kz Telegram-arnasynda jariialandy.
Ashat Niiazov "balalaryńyz bir oqýshyǵa jylyna 7 million teńge tóleitin jeke mektepke baratyny ras pa?" degen suraǵyna Altai Kólginov "Bul shyndyqqa janaspaidy" dep jaýap berdi.
"Iá, men bul siýjetti kórdim. Alaida, tekserilmegen aqparatty BAQ-ta taratýǵa bolmaidy. Meniń balalarym 7 million teńge tóleitin mektepte oqymaidy. Olar qalalyq mektep-litseige barady. Úlkeni grantta oqidy, ekinshi balam aqyly túrde bilim alady. Qalǵany balabaqshaǵa barady. Men balalarymnyń oqýy úshin jeti million tólemeimin. Mende ondai jalaqy joq", - dedi Nur-Sultan qalasynyń ákimi.
Sondai-aq, ol óziniń jalaqysynyń mólsheri týraly suraqqa jaýap berdi. Búgingi tańda ol 1 million 900 myń teńge alady. Ol 800 milliard teńge biýdjet qarajatyna jaýap beretin ákimi retinde oǵan joǵary jaýapkershilik júktelgenin atap ótti.
"Jaýapkershilik artyp jatyr. Meniń oiymsha, munda bári proportsionaldy bolýy kerek. Memlekettik qyzmetshi úshin eń bastysy aqsha emes, jaýapkershilik. Eger aqsha bolsa, men bizneste jumys isteitin edim", - dep jaýap berdi Altai Kólginov.
