© Sputnik / ۆلاديسلاۆ ۆودنەۆ
نۇر-سۇلتان قالاسىنىڭ ەكٸمٸ التاي كٶلگٸنوۆ سۇحبات بارىسىندا بالالارى جىلىنا بٸرنەشە ميلليون تەڭگەگە جەكە مەكتەپتە وقيدى دەگەن سىنعا جاۋاپ بەردٸ, دەپ حابارلايدى Sputnik قازاقستان.
ول اقپاراتتى جالعان دەپ اتادى. قالا باسشىسىنىڭ سۇحباتىنىڭ ٷزٸندٸسٸ chinovnik_kz Telegram-ارناسىندا جارييالاندى.
اسحات نييازوۆ "بالالارىڭىز بٸر وقۋشىعا جىلىنا 7 ميلليون تەڭگە تٶلەيتٸن جەكە مەكتەپكە باراتىنى راس پا?" دەگەن سۇراعىنا التاي كٶلگٸنوۆ "بۇل شىندىققا جاناسپايدى" دەپ جاۋاپ بەردٸ.
"يە, مەن بۇل سيۋجەتتٸ كٶردٸم. الايدا, تەكسەرٸلمەگەن اقپاراتتى باق-تا تاراتۋعا بولمايدى. مەنٸڭ بالالارىم 7 ميلليون تەڭگە تٶلەيتٸن مەكتەپتە وقىمايدى. ولار قالالىق مەكتەپ-ليتسەيگە بارادى. ٷلكەنٸ گرانتتا وقيدى, ەكٸنشٸ بالام اقىلى تٷردە بٸلٸم الادى. قالعانى بالاباقشاعا بارادى. مەن بالالارىمنىڭ وقۋى ٷشٸن جەتٸ ميلليون تٶلەمەيمٸن. مەندە ونداي جالاقى جوق", - دەدٸ نۇر-سۇلتان قالاسىنىڭ ەكٸمٸ.
سونداي-اق, ول ٶزٸنٸڭ جالاقىسىنىڭ مٶلشەرٸ تۋرالى سۇراققا جاۋاپ بەردٸ. بٷگٸنگٸ تاڭدا ول 1 ميلليون 900 مىڭ تەڭگە الادى. ول 800 ميلليارد تەڭگە بيۋدجەت قاراجاتىنا جاۋاپ بەرەتٸن ەكٸمٸ رەتٸندە وعان جوعارى جاۋاپكەرشٸلٸك جٷكتەلگەنٸن اتاپ ٶتتٸ.
"جاۋاپكەرشٸلٸك ارتىپ جاتىر. مەنٸڭ ويىمشا, مۇندا بەرٸ پروپورتسيونالدى بولۋى كەرەك. مەملەكەتتٸك قىزمەتشٸ ٷشٸن ەڭ باستىسى اقشا ەمەس, جاۋاپكەرشٸلٸك. ەگەر اقشا بولسا, مەن بيزنەستە جۇمىس ٸستەيتٸن ەدٸم", - دەپ جاۋاپ بەردٸ التاي كٶلگٸنوۆ.
