Qoǵam qairatkerleri qoǵamdyq baqylaý týraly zań jobasyna jańa usynystar aitty. Bul týraly Aqparat jáne qoǵamdyq damý ministrligi habarlady.
Qoǵamdyq baqylaý týraly zań jobasy boiynsha kópshilik talqylaý jalǵasýda.
Azamattyq qoǵam isteri komitetiniń tóraǵasy Madiiar Qojahmettiń moderatorlyǵymen Jumys tobynyń búgingi keńeitilgen otyrysynda qoǵamdyq baqylaý týraly zań jobasynyń negizgi baǵyttary talqylandy.
Talqylaý barysynda sarapshylar óz usynystarymen bólisti. Atap aitqanda, qoǵam qairatkeri Petr Svoik azamattyq qoǵam tarapynan qoǵamdyq baqylaýdyń naqty baǵyttarynyń bolýyn, sondai-aq qoǵamdyq baqylaýdy uiymdastyrý jónindegi mindettemeler memlekettik organdarǵa bekitilýi tiis ekenin atap ótti.
Ulttyq qoǵamdyq senim keńesiniń múshesi Marat Báshimov jýrnalistik zertteýlerdi qoǵamdyq baqylaý nysandarynyń biri retinde engizý qajettigi týraly habarlady.
«Aqmola oblysynyń tabiǵi monopoliia sýbektileriniń qyzmetin tutynýshylar» Qoǵamdyq birlestiginiń basshysy Arman Sadyqov zań jobasynda paidalanylatyn negizgi uǵymdardyń tizbesine tolyqtyrýlar engizýdi usyndy.
Sonymen qatar, Almaty qalasy boiynsha Qoǵamdyq baqylaý múshesi Ranogýl Tohtabakieva qoǵamdyq baqylaý obektileri men sýbektileriniń tizimin keńeitýdi usynǵan bolatyn.
Ministrlik zań jobasyn talqylaý boiynsha kelesi otyrystardy óńirlerdegi qoǵam ókilderin qamtý arqyly onlain formatta aimaqtyq kópshilik talqylaýlar ótkizýdi josparlap otyr.
