قوعام قايراتكەرلەرٸ قوعامدىق باقىلاۋ تۋرالى زاڭ جوباسىنا جاڭا ۇسىنىستار ايتتى. بۇل تۋرالى اقپارات جەنە قوعامدىق دامۋ مينيسترلٸگٸ حابارلادى.
قوعامدىق باقىلاۋ تۋرالى زاڭ جوباسى بويىنشا كٶپشٸلٸك تالقىلاۋ جالعاسۋدا.
ازاماتتىق قوعام ٸستەرٸ كوميتەتٸنٸڭ تٶراعاسى مادييار قوجاحمەتتٸڭ مودەراتورلىعىمەن جۇمىس توبىنىڭ بٷگٸنگٸ كەڭەيتٸلگەن وتىرىسىندا قوعامدىق باقىلاۋ تۋرالى زاڭ جوباسىنىڭ نەگٸزگٸ باعىتتارى تالقىلاندى.
تالقىلاۋ بارىسىندا ساراپشىلار ٶز ۇسىنىستارىمەن بٶلٸستٸ. اتاپ ايتقاندا, قوعام قايراتكەرٸ پەتر سۆويك ازاماتتىق قوعام تاراپىنان قوعامدىق باقىلاۋدىڭ ناقتى باعىتتارىنىڭ بولۋىن, سونداي-اق قوعامدىق باقىلاۋدى ۇيىمداستىرۋ جٶنٸندەگٸ مٸندەتتەمەلەر مەملەكەتتٸك ورگاندارعا بەكٸتٸلۋٸ تيٸس ەكەنٸن اتاپ ٶتتٸ.
ۇلتتىق قوعامدىق سەنٸم كەڭەسٸنٸڭ مٷشەسٸ مارات بەشٸموۆ جۋرناليستٸك زەرتتەۋلەردٸ قوعامدىق باقىلاۋ نىساندارىنىڭ بٸرٸ رەتٸندە ەنگٸزۋ قاجەتتٸگٸ تۋرالى حابارلادى.
«اقمولا وبلىسىنىڭ تابيعي مونوپولييا سۋبەكتٸلەرٸنٸڭ قىزمەتٸن تۇتىنۋشىلار» قوعامدىق بٸرلەستٸگٸنٸڭ باسشىسى ارمان سادىقوۆ زاڭ جوباسىندا پايدالانىلاتىن نەگٸزگٸ ۇعىمداردىڭ تٸزبەسٸنە تولىقتىرۋلار ەنگٸزۋدٸ ۇسىندى.
سونىمەن قاتار, الماتى قالاسى بويىنشا قوعامدىق باقىلاۋ مٷشەسٸ رانوگۋل توحتاباكيەۆا قوعامدىق باقىلاۋ وبەكتٸلەرٸ مەن سۋبەكتٸلەرٸنٸڭ تٸزٸمٸن كەڭەيتۋدٸ ۇسىنعان بولاتىن.
مينيسترلٸك زاڭ جوباسىن تالقىلاۋ بويىنشا كەلەسٸ وتىرىستاردى ٶڭٸرلەردەگٸ قوعام ٶكٸلدەرٸن قامتۋ ارقىلى ونلاين فورماتتا ايماقتىق كٶپشٸلٸك تالقىلاۋلار ٶتكٸزۋدٸ جوسپارلاپ وتىر.
