Almatyda «Qoǵamdyq baqylaý týraly» zań jobasy talqylanyp jatyr. Jiynǵa QR Aqparat jáne qoǵamdyq damý ministri Aida Balaeva qatysýda, dep habarlaidy QazAqparat.
Otyrysqa qatysqan sarapshylar jańa zań jobasy týraly óz oilaryn ortaǵa saldy.
«Qoǵamdyq baqylaý týraly» zań jobasyn talqylaý qoǵamdyq uiymdar men birlestikterdiń jumysynda jańa kezeńniń ashylýy dep oilaimyn. Ministrlik osy baǵytta óte paidaly jumysty qolǵa alyp otyr. Sebebi qoǵamdyq birlestikterdiń jumysy ár zańda ártúrli qaralady. Olardyń barlyǵy bir zań jobasyna birikkeni durys. Osy turǵydan qoǵamdyq baqylaý memlekettiń ómiriniń barlyq salasyna synalap enýi tiis», - dedi ál-Farabi atyndaǵy QazUÝ zań fakýltetiniń dekany Dáýlet Baidildinov.
Onyń aitýynsha, qoǵamdyq baqylaý sýbektilerine tek memlekettik organ jatpaýy kerek. Odan bólek kóptegen kommertsiialyq qurylymdar bar.
PIK, qurylys salasy, bank qyzmeti barlyǵy qoǵamdyq baqylaýda bolýy tiis.
«Eń bastysy qoǵamdyq uiymdardyń pikirine qatysty memlekettik organdardyń jaýapkershiligin arttyrý kózdelgen», - dedi ol.
Zańgerdiń aitýynsha, zań jobasyn talqylaý barlyq qoǵamdyq uiymdardyń qatysýymen ótýi tiis.
