الماتىدا «قوعامدىق باقىلاۋ تۋرالى» زاڭ جوباسى تالقىلانىپ جاتىر. جيىنعا قر اقپارات جەنە قوعامدىق دامۋ مينيسترٸ ايدا بالاەۆا قاتىسۋدا, دەپ حابارلايدى قازاقپارات.
وتىرىسقا قاتىسقان ساراپشىلار جاڭا زاڭ جوباسى تۋرالى ٶز ويلارىن ورتاعا سالدى.
«قوعامدىق باقىلاۋ تۋرالى» زاڭ جوباسىن تالقىلاۋ قوعامدىق ۇيىمدار مەن بٸرلەستٸكتەردٸڭ جۇمىسىندا جاڭا كەزەڭنٸڭ اشىلۋى دەپ ويلايمىن. مينيسترلٸك وسى باعىتتا ٶتە پايدالى جۇمىستى قولعا الىپ وتىر. سەبەبٸ قوعامدىق بٸرلەستٸكتەردٸڭ جۇمىسى ەر زاڭدا ەرتٷرلٸ قارالادى. ولاردىڭ بارلىعى بٸر زاڭ جوباسىنا بٸرٸككەنٸ دۇرىس. وسى تۇرعىدان قوعامدىق باقىلاۋ مەملەكەتتٸڭ ٶمٸرٸنٸڭ بارلىق سالاسىنا سىنالاپ ەنۋٸ تيٸس», - دەدٸ ەل-فارابي اتىنداعى قازۇۋ زاڭ فاكۋلتەتٸنٸڭ دەكانى دەۋلەت بايدٸلدينوۆ.
ونىڭ ايتۋىنشا, قوعامدىق باقىلاۋ سۋبەكتٸلەرٸنە تەك مەملەكەتتٸك ورگان جاتپاۋى كەرەك. ودان بٶلەك كٶپتەگەن كوممەرتسييالىق قۇرىلىمدار بار.
پيك, قۇرىلىس سالاسى, بانك قىزمەتٸ بارلىعى قوعامدىق باقىلاۋدا بولۋى تيٸس.
«ەڭ باستىسى قوعامدىق ۇيىمداردىڭ پٸكٸرٸنە قاتىستى مەملەكەتتٸك ورگانداردىڭ جاۋاپكەرشٸلٸگٸن ارتتىرۋ كٶزدەلگەن», - دەدٸ ول.
زاڭگەردٸڭ ايتۋىنشا, زاڭ جوباسىن تالقىلاۋ بارلىق قوعامدىق ۇيىمداردىڭ قاتىسۋىمەن ٶتۋٸ تيٸس.
