Foto: kursiv.media
Qarjylyq monitoring agenttigi tóraǵasy Dmitrii Malahov gidrotehnikalyq nysandardy salýǵa bólingen qarajattyń jumsalýyn tekserýdi tapsyrdy, dep habarlady vedomstvonyń baspasóz qyzmeti.
Ol bólingen aqshanyń qaida ketkenin sapaly tekserip, baǵalaý qajettigin atap ótti.
"Agenttiktiń aýmaqtyq departamentteriniń basshylary memlekettik organdar men sharýashylyq sýbektileriniń qyzmetine aralaspai, bógetter, sý burý obektilerin salý, sondai-aq ózen arnalaryn tereńdetý úshin aqshany utymdy paidalanýdy zerdeleýi qajet", - dep tapsyrdy Malahov.
Eske sala keteiik, memleket basshysynyń tapsyrmasy boiynsha úkimet, kvazimemlekettik kompaniialar, kásipkerler, qoǵamdyq qorlar 140 mlrd teńgeden astam qarjy bóldi.
Qarjylyq monitoring organdary Almaty qalasynda, Aqtóbe, Qyzylorda jáne Ulytaý oblystarynda jymqyrý belgileri boiynsha tórt is qozǵady. 5 adam kúdikti dep tanyldy. Zalaldyń jalpy somasy 1 mlrd teńgeden asty.
Sonymen qatar aldyn-alý jumystary zardap shekkenderge kómektesý úshin aqsha jinaýdy jariialaityn alaiaqtarǵa qarsy turýǵa baǵyttalady.
Baǵanyń ósýine jol bermeýge erekshe nazar aýdarý tapsyryldy. Ol úshin azyq-túlik, aýyz sý, dári-dármek jáne basqa da qajetti zattar baǵasynyń monitoringi jalǵasady.
Agenttik sonymen qatar qurylys materialdarynyń baǵasymen alypsatarlyq táýekelderin aldyn alý qyzmetin de jandandyrady.
Anyqtalǵan faktilermen kúres analitikalyq quraldardy paidalana otyryp júrgiziledi.
