فوتو: kursiv.media
قارجىلىق مونيتورينگ اگەنتتٸگٸ تٶراعاسى دميتريي مالاحوۆ گيدروتەحنيكالىق نىسانداردى سالۋعا بٶلٸنگەن قاراجاتتىڭ جۇمسالۋىن تەكسەرۋدٸ تاپسىردى, دەپ حابارلادى ۆەدومستۆونىڭ باسپاسٶز قىزمەتٸ.
ول بٶلٸنگەن اقشانىڭ قايدا كەتكەنٸن ساپالى تەكسەرٸپ, باعالاۋ قاجەتتٸگٸن اتاپ ٶتتٸ.
"اگەنتتٸكتٸڭ اۋماقتىق دەپارتامەنتتەرٸنٸڭ باسشىلارى مەملەكەتتٸك ورگاندار مەن شارۋاشىلىق سۋبەكتٸلەرٸنٸڭ قىزمەتٸنە ارالاسپاي, بٶگەتتەر, سۋ بۇرۋ وبەكتٸلەرٸن سالۋ, سونداي-اق ٶزەن ارنالارىن تەرەڭدەتۋ ٷشٸن اقشانى ۇتىمدى پايدالانۋدى زەردەلەۋٸ قاجەت", - دەپ تاپسىردى مالاحوۆ.
ەسكە سالا كەتەيٸك, مەملەكەت باسشىسىنىڭ تاپسىرماسى بويىنشا ٷكٸمەت, كۆازيمەملەكەتتٸك كومپانييالار, كەسٸپكەرلەر, قوعامدىق قورلار 140 ملرد تەڭگەدەن استام قارجى بٶلدٸ.
قارجىلىق مونيتورينگ ورگاندارى الماتى قالاسىندا, اقتٶبە, قىزىلوردا جەنە ۇلىتاۋ وبلىستارىندا جىمقىرۋ بەلگٸلەرٸ بويىنشا تٶرت ٸس قوزعادى. 5 ادام كٷدٸكتٸ دەپ تانىلدى. زالالدىڭ جالپى سوماسى 1 ملرد تەڭگەدەن استى.
سونىمەن قاتار الدىن-الۋ جۇمىستارى زارداپ شەككەندەرگە كٶمەكتەسۋ ٷشٸن اقشا جيناۋدى جارييالايتىن الاياقتارعا قارسى تۇرۋعا باعىتتالادى.
باعانىڭ ٶسۋٸنە جول بەرمەۋگە ەرەكشە نازار اۋدارۋ تاپسىرىلدى. ول ٷشٸن ازىق-تٷلٸك, اۋىز سۋ, دەرٸ-دەرمەك جەنە باسقا دا قاجەتتٸ زاتتار باعاسىنىڭ مونيتورينگٸ جالعاسادى.
اگەنتتٸك سونىمەن قاتار قۇرىلىس ماتەريالدارىنىڭ باعاسىمەن الىپساتارلىق تەۋەكەلدەرٸن الدىن الۋ قىزمەتٸن دە جانداندىرادى.
انىقتالعان فاكتٸلەرمەن كٷرەس اناليتيكالىق قۇرالداردى پايدالانا وتىرىپ جٷرگٸزٸلەدٸ.
