6 shildede QR Premer-Ministri Álihan Smaiylov Kaspii qubyr konsortsiýmy qyzmetiniń ýaqytsha toqtap qalýyna bailanysty jedel keńes ótkizdi, dep habarlaidy "Ult aqparat" primeminister.kz saityna silteme jasap.
Keńes barysynda qazaqstandyq munai eksporty shektelýiniń teris saldary men memlekettik biýdjettiń shyǵyndaryn azaitý jónindegi qajetti sharalar talqylandy.
Talqylaý qorytyndysy boiynsha Úkimet basshysy birqatar tiisti tapsyrma berdi.
Aita keteiik, Novorossiiskiniń Primorskii aýdandyq soty Rostransnadzor anyqtaǵan zańbuzýshylyqtardy joiý úshin Kaspii qubyr konsortsiýmynyń (KQK) qyzmetin 30 kúnge toqtatqan bolatyn.
Rostransnadzordyń Ońtústik ÝGRN-y Primorskii aýdandyq sotyna konsortsiým qyzmetin 90 kúnge toqtata turý týraly ótinishpen júgingen. Sot Rostransnadzordyń talaptaryn ishinara qanaǵattandyrdy. "KQK-R" AQ qyzmetin 30 táýlikke ákimshilik toqtata turý túrinde jaza taǵaiyndaldy.
Kaspii qubyr konsortsiýmy "sot sheshimin oryndaýǵa májbúr", alaida onyń ústinen shaǵym túsirýge nietti. Konsortsiýmnyń baspasóz qyzmeti ýaqytsha toqtatý merzimine qatysty túsinikteme berýden bas tartty.
KQK – qazaqstandyq munai úshin negizgi eksporttyq baǵyt, oǵan qubyr arqyly aidalatyn kólemniń 80%-ten astamy tiesili. Qubyr jelisiniń qýattylyǵy – jylyna 67 mln tonna munai.
