6 شٸلدەدە قر پرەمەر-مينيسترٸ ەليحان سمايىلوۆ كاسپيي قۇبىر كونسورتسيۋمى قىزمەتٸنٸڭ ۋاقىتشا توقتاپ قالۋىنا بايلانىستى جەدەل كەڭەس ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
كەڭەس بارىسىندا قازاقستاندىق مۇناي ەكسپورتى شەكتەلۋٸنٸڭ تەرٸس سالدارى مەن مەملەكەتتٸك بيۋدجەتتٸڭ شىعىندارىن ازايتۋ جٶنٸندەگٸ قاجەتتٸ شارالار تالقىلاندى.
تالقىلاۋ قورىتىندىسى بويىنشا ٷكٸمەت باسشىسى بٸرقاتار تيٸستٸ تاپسىرما بەردٸ.
ايتا كەتەيٸك, نوۆوروسسييسكٸنٸڭ پريمورسكيي اۋداندىق سوتى روسترانسنادزور انىقتاعان زاڭبۇزۋشىلىقتاردى جويۋ ٷشٸن كاسپيي قۇبىر كونسورتسيۋمىنىڭ (كقك) قىزمەتٸن 30 كٷنگە توقتاتقان بولاتىن.
روسترانسنادزوردىڭ وڭتٷستٸك ۋگرن-ى پريمورسكيي اۋداندىق سوتىنا كونسورتسيۋم قىزمەتٸن 90 كٷنگە توقتاتا تۇرۋ تۋرالى ٶتٸنٸشپەن جٷگٸنگەن. سوت روسترانسنادزوردىڭ تالاپتارىن ٸشٸنارا قاناعاتتاندىردى. "كقك-ر" اق قىزمەتٸن 30 تەۋلٸككە ەكٸمشٸلٸك توقتاتا تۇرۋ تٷرٸندە جازا تاعايىندالدى.
كاسپيي قۇبىر كونسورتسيۋمى "سوت شەشٸمٸن ورىنداۋعا مەجبٷر", الايدا ونىڭ ٷستٸنەن شاعىم تٷسٸرۋگە نيەتتٸ. كونسورتسيۋمنىڭ باسپاسٶز قىزمەتٸ ۋاقىتشا توقتاتۋ مەرزٸمٸنە قاتىستى تٷسٸنٸكتەمە بەرۋدەن باس تارتتى.
كقك – قازاقستاندىق مۇناي ٷشٸن نەگٸزگٸ ەكسپورتتىق باعىت, وعان قۇبىر ارقىلى ايدالاتىن كٶلەمنٸڭ 80%-تەن استامى تيەسٸلٸ. قۇبىر جەلٸسٸنٸڭ قۋاتتىلىعى – جىلىنا 67 ملن توننا مۇناي.
