«Barys» qurlyqtyq hokkei ligasynda búgin elordada Latviianyń «Dinamo» (Riga) komandasyn qabyldady, dep habarlaidy "Ult aqparat".
Búgingi oiynda elordalyq klýb jinaqy qimyl kórsetti. Qarsylas komandanyń tizgindi qolǵa alýyna múmkindik bergen joq.
Alǵashqy shaibany «Barys» hokkeishisi Linýs Viddel 18 minýtta soǵyp ketti. Ol Dmitrii Shevchenko men Roman Starchenkonyń uiymdastyrǵan shabýylyn túiindei bildi. Al 21-minýtta elordalyq hokkeishi Kiortis Valk esepti ústemelei tústi. Oiynnyń 24-minýtynda Mett Frettin «Barystyń» basymdyǵyn ulǵaitty.
Kezdesýde «Barys» qarsylasyn 3:0 esebimen súrindirdi. Osylaisha qatarynan eki márte jeńiske jetti.
Endi «Barys» 8 qarashada Reseide Cherepovets qalasynyń «Severstal» komandasymen kezdesedi. Odan keiin 10 qarashada sol eldiń Iaroslavl qalasynda «Lokomotiv» komandasymen sheberlik baiqasady.
Elordalyq klýb sońǵy bes kezdesýdiń tórteýinde jeńiliske ushyrap, sońǵy oiynda Qytaidyń «Kýnlýn Red Star» klýbynan basym túsken bolatyn.
