«بارىس» قۇرلىقتىق حوككەي ليگاسىندا بٷگٸن ەلوردادا لاتۆييانىڭ «دينامو» (ريگا) كومانداسىن قابىلدادى, دەپ حابارلايدى "ۇلت اقپارات".
بٷگٸنگٸ ويىندا ەلوردالىق كلۋب جيناقى قيمىل كٶرسەتتٸ. قارسىلاس كوماندانىڭ تٸزگٸندٸ قولعا الۋىنا مٷمكٸندٸك بەرگەن جوق.
العاشقى شايبانى «بارىس» حوككەيشٸسٸ لينۋس ۆيددەل 18 مينۋتتا سوعىپ كەتتٸ. ول دميتريي شەۆچەنكو مەن رومان ستارچەنكونىڭ ۇيىمداستىرعان شابۋىلىن تٷيٸندەي بٸلدٸ. ال 21-مينۋتتا ەلوردالىق حوككەيشٸ كيورتيس ۆالك ەسەپتٸ ٷستەمەلەي تٷستٸ. ويىننىڭ 24-مينۋتىندا مەتت فرەتتين «بارىستىڭ» باسىمدىعىن ۇلعايتتى.
كەزدەسۋدە «بارىس» قارسىلاسىن 3:0 ەسەبٸمەن سٷرٸندٸردٸ. وسىلايشا قاتارىنان ەكٸ مەرتە جەڭٸسكە جەتتٸ.
ەندٸ «بارىس» 8 قاراشادا رەسەيدە چەرەپوۆەتس قالاسىنىڭ «سەۆەرستال» كومانداسىمەن كەزدەسەدٸ. ودان كەيٸن 10 قاراشادا سول ەلدٸڭ ياروسلاۆل قالاسىندا «لوكوموتيۆ» كومانداسىمەن شەبەرلٸك بايقاسادى.
ەلوردالىق كلۋب سوڭعى بەس كەزدەسۋدٸڭ تٶرتەۋٸندە جەڭٸلٸسكە ۇشىراپ, سوڭعى ويىندا قىتايدىڭ «كۋنلۋن رەد ستار» كلۋبىنان باسىم تٷسكەن بولاتىن.
