«Kitap oqityn ult» jáne «QAZAQ Creative» qorlary ziialy qaýym ókilderimen taǵylymdy kezdesý ótkizip, 1 qyrkúiekte bastalatyn respýblikalyq «Kitap oqityn ult» marafonynyń jańa kezeńine daiyndyq barysyn talqylady. Biylǵy joba 1 millionnan astam azamatty qamtýdy kózdeidi.
Memleket basshysynyń kitap oqý mádenietin damytý jáne zerdeli ult qalyptastyrý jónindegi tapsyrmalaryn júzege asyrýǵa baǵyttalǵan «Kitap oqityn ult» marafonynyń basty maqsaty – azamattardy kitap oqýǵa keńinen tartý ǵana emes, oqý mádenietin qoǵamnyń kúndelikti ómir saltyna ainaldyrý.
Joba dástúrine sai, aýqymdy bastamanyń jańa kezeńi aǵa býyn ókilderiniń aq batasymen bastaldy. Uiymdastyrýshylar ziialy qaýym ókilderimen kezdesip, jobanyń aldaǵy mindetteri men damý baǵyttaryn ortaǵa saldy.
«Qazaq dástúrinde qandai da bir úlken isti bastarda aǵa býynnyń aq batasyn alý – taǵylymy tereń jol. Bul – úlkenderdiń ómirlik tájiribesi men izgi tilegin keiingi býynǵa amanat etýdiń bir kórinisi. Sondyqtan biz «Kitap oqityn ult» siiaqty eldiń rýhani damýyna baǵyttalǵan aýqymdy jobany bastar aldynda ziialy qaýym ókilderine arnaiy jolyǵyp, aq batasyn alýdy jón kórdik. Aǵa býynnyń aq tilegi bizge úlken jaýapkershilik júktep qana qoimai, aldaǵy jumysty abyroimen atqarýǵa jiger beredi», – dedi «Kitap oqityn ult» qoǵamdyq qorynyń tóraǵasy Baqytjan Turlybekov.
Kezdesýge jazýshylar, aqyndar, jýrnalister men qoǵam qairatkerleri qatysty. Olardyń qatarynda Álibek Asqarov, Shárbaný Beisenova, Qýandyq Jienbai, Baianǵali Álimjanov, Ábýbákir Smaiyl, Ońaigúl Turjan, Janat Áskerbekqyzy, Baýyrjan Babajanuly, Janarbek Áshimjan, Muharbek Jákeiuly, Ularbek Dáleiuly, Qanat Ábilqaiyr, Batyrbolat Aitbolatuly, Asqar Altai bar.
Jiyn barysynda jobany júzege asyrýdyń naqty tetikteri talqylanyp, osy jyldyń 31 naýryzynda ótken aldyńǵy kezdesýde aitylǵan usynystardyń oryndalý barysy boiynsha esep berildi.
Ziialy qaýym ókilderi jobanyń búgingi nátijelerine joǵary baǵa berip, kitap oqý mádenietin qalyptastyrý, ulttyq sanany jańǵyrtý jáne zerdeli ult qalyptastyrý jolyndaǵy ortaq istiń mańyzdylyǵyn atap ótti.
Jazýshy Álibek Asqarov jobaǵa aqjoltai tilegin bildirdi.
«Kitap oqý – ulttyń rýhani qýatyn arttyratyn úlken qundylyq. Osyndai igi bastamanyń aýqymy keńeiip, el kóleminde jalǵasyn tabýyna tilektespin. «Kitap oqityn ult» marafonyna sáttilik tileimin. Kitapqa bet burǵan ár azamattyń oi-órisi keńeiip, elimizdiń zerdeli urpaǵy kóbeie bersin», – dedi jazýshy.
Uiymdastyrýshylardyń aitýynsha, marafonnyń basty kórsetkishi – qatysýshylardyń sany ǵana emes. Negizgi maqsat – kitapty adamnyń kúndelikti ómiriniń ajyramas bóligine ainaldyryp, oqý arqyly oilaityn, izdenetin, zerdeli qoǵam qalyptastyrý.
«Kitap oqityn ult» respýblikalyq marafony – kitap oqý mádenietin damytýǵa baǵyttalǵan ortaq iske birqatar mańyzdy seriktesti biriktirip otyrǵan aýqymdy bastama.
Jobany iske asyrýǵa Qazaqstan Jazýshylar odaǵy, Kreativti indýstriialardy damytý qory jáne Yandex Qazaqstan tehnologiialyq kompaniiasy «Iandeks Kitaptar» servisimen birlesip qatysýda. Seriktesterdiń birlesken jumysy oqý mádenietin ilgeriletýge, zamanaýi ádebi bastamalardy qoldaýǵa jáne oqyrman men kitap arasyndaǵy bailanystyń jańa múmkindikterin qalyptastyrýǵa baǵyttalǵan.
Joba Qazaqstan Respýblikasy Mádeniet jáne aqparat ministrliginiń qoldaýymen júzege asyrylýda.
