«كٸتاپ وقيتىن ۇلت» جەنە «QAZAQ Creative» قورلارى زييالى قاۋىم ٶكٸلدەرٸمەن تاعىلىمدى كەزدەسۋ ٶتكٸزٸپ, 1 قىركٷيەكتە باستالاتىن رەسپۋبليكالىق «كٸتاپ وقيتىن ۇلت» مارافونىنىڭ جاڭا كەزەڭٸنە دايىندىق بارىسىن تالقىلادى. بيىلعى جوبا 1 ميلليوننان استام ازاماتتى قامتۋدى كٶزدەيدٸ.
مەملەكەت باسشىسىنىڭ كٸتاپ وقۋ مەدەنيەتٸن دامىتۋ جەنە زەردەلٸ ۇلت قالىپتاستىرۋ جٶنٸندەگٸ تاپسىرمالارىن جٷزەگە اسىرۋعا باعىتتالعان «كٸتاپ وقيتىن ۇلت» مارافونىنىڭ باستى ماقساتى – ازاماتتاردى كٸتاپ وقۋعا كەڭٸنەن تارتۋ عانا ەمەس, وقۋ مەدەنيەتٸن قوعامنىڭ كٷندەلٸكتٸ ٶمٸر سالتىنا اينالدىرۋ.
جوبا دەستٷرٸنە ساي, اۋقىمدى باستامانىڭ جاڭا كەزەڭٸ اعا بۋىن ٶكٸلدەرٸنٸڭ اق باتاسىمەن باستالدى. ۇيىمداستىرۋشىلار زييالى قاۋىم ٶكٸلدەرٸمەن كەزدەسٸپ, جوبانىڭ الداعى مٸندەتتەرٸ مەن دامۋ باعىتتارىن ورتاعا سالدى.
«قازاق دەستٷرٸندە قانداي دا بٸر ٷلكەن ٸستٸ باستاردا اعا بۋىننىڭ اق باتاسىن الۋ – تاعىلىمى تەرەڭ جول. بۇل – ٷلكەندەردٸڭ ٶمٸرلٸك تەجٸريبەسٸ مەن ٸزگٸ تٸلەگٸن كەيٸنگٸ بۋىنعا امانات ەتۋدٸڭ بٸر كٶرٸنٸسٸ. سوندىقتان بٸز «كٸتاپ وقيتىن ۇلت» سيياقتى ەلدٸڭ رۋحاني دامۋىنا باعىتتالعان اۋقىمدى جوبانى باستار الدىندا زييالى قاۋىم ٶكٸلدەرٸنە ارنايى جولىعىپ, اق باتاسىن الۋدى جٶن كٶردٸك. اعا بۋىننىڭ اق تٸلەگٸ بٸزگە ٷلكەن جاۋاپكەرشٸلٸك جٷكتەپ قانا قويماي, الداعى جۇمىستى ابىرويمەن اتقارۋعا جٸگەر بەرەدٸ», – دەدٸ «كٸتاپ وقيتىن ۇلت» قوعامدىق قورىنىڭ تٶراعاسى باقىتجان تۇرلىبەكوۆ.
كەزدەسۋگە جازۋشىلار, اقىندار, جۋرناليستەر مەن قوعام قايراتكەرلەرٸ قاتىستى. ولاردىڭ قاتارىندا ەلٸبەك اسقاروۆ, شەربانۋ بەيسەنوۆا, قۋاندىق جيەنباي, بايانعالي ەلٸمجانوۆ, ەبۋبەكٸر سمايىل, وڭايگٷل تۇرجان, جانات ەسكەربەكقىزى, باۋىرجان باباجانۇلى, جاناربەك ەشٸمجان, مۇحاربەك جەكەيۇلى, ۇلاربەك دەلەيۇلى, قانات ەبٸلقايىر, باتىربولات ايتبولاتۇلى, اسقار التاي بار.
جيىن بارىسىندا جوبانى جٷزەگە اسىرۋدىڭ ناقتى تەتٸكتەرٸ تالقىلانىپ, وسى جىلدىڭ 31 ناۋرىزىندا ٶتكەن الدىڭعى كەزدەسۋدە ايتىلعان ۇسىنىستاردىڭ ورىندالۋ بارىسى بويىنشا ەسەپ بەرٸلدٸ.
زييالى قاۋىم ٶكٸلدەرٸ جوبانىڭ بٷگٸنگٸ نەتيجەلەرٸنە جوعارى باعا بەرٸپ, كٸتاپ وقۋ مەدەنيەتٸن قالىپتاستىرۋ, ۇلتتىق سانانى جاڭعىرتۋ جەنە زەردەلٸ ۇلت قالىپتاستىرۋ جولىنداعى ورتاق ٸستٸڭ ماڭىزدىلىعىن اتاپ ٶتتٸ.
جازۋشى ەلٸبەك اسقاروۆ جوباعا اقجولتاي تٸلەگٸن بٸلدٸردٸ.
«كٸتاپ وقۋ – ۇلتتىڭ رۋحاني قۋاتىن ارتتىراتىن ٷلكەن قۇندىلىق. وسىنداي يگٸ باستامانىڭ اۋقىمى كەڭەيٸپ, ەل كٶلەمٸندە جالعاسىن تابۋىنا تٸلەكتەسپٸن. «كٸتاپ وقيتىن ۇلت» مارافونىنا سەتتٸلٸك تٸلەيمٸن. كٸتاپقا بەت بۇرعان ەر ازاماتتىڭ وي-ٶرٸسٸ كەڭەيٸپ, ەلٸمٸزدٸڭ زەردەلٸ ۇرپاعى كٶبەيە بەرسٸن», – دەدٸ جازۋشى.
ۇيىمداستىرۋشىلاردىڭ ايتۋىنشا, مارافوننىڭ باستى كٶرسەتكٸشٸ – قاتىسۋشىلاردىڭ سانى عانا ەمەس. نەگٸزگٸ ماقسات – كٸتاپتى ادامنىڭ كٷندەلٸكتٸ ٶمٸرٸنٸڭ اجىراماس بٶلٸگٸنە اينالدىرىپ, وقۋ ارقىلى ويلايتىن, ٸزدەنەتٸن, زەردەلٸ قوعام قالىپتاستىرۋ.
«كٸتاپ وقيتىن ۇلت» رەسپۋبليكالىق مارافونى – كٸتاپ وقۋ مەدەنيەتٸن دامىتۋعا باعىتتالعان ورتاق ٸسكە بٸرقاتار ماڭىزدى سەرٸكتەستٸ بٸرٸكتٸرٸپ وتىرعان اۋقىمدى باستاما.
جوبانى ٸسكە اسىرۋعا قازاقستان جازۋشىلار وداعى, كرەاتيۆتٸ يندۋسترييالاردى دامىتۋ قورى جەنە Yandex Qazaqstan تەحنولوگييالىق كومپانيياسى «ياندەكس كٸتاپتار» سەرۆيسٸمەن بٸرلەسٸپ قاتىسۋدا. سەرٸكتەستەردٸڭ بٸرلەسكەن جۇمىسى وقۋ مەدەنيەتٸن ٸلگەرٸلەتۋگە, زاماناۋي ەدەبي باستامالاردى قولداۋعا جەنە وقىرمان مەن كٸتاپ اراسىنداعى بايلانىستىڭ جاڭا مٷمكٸندٸكتەرٸن قالىپتاستىرۋعا باعىتتالعان.
جوبا قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ قولداۋىمەن جٷزەگە اسىرىلۋدا.
