Tanymal ánshi Merýert Túsipbaeva elimizdegi tasjoldar boiyndaǵy dárethanalardyń jaǵdaiyna qatysty pikir bildirip, bul máseleni jańa sailanatyn depýtattar men Ulttyq quryltai músheleriniń nazarǵa alýyn surady, dep habarlaidy ult.kz.
Óner iesi áleýmettik jelidegi paraqshasynda jol boiyndaǵy sanitarlyq toraptardyń áli kúnge deiin talapqa sai emes ekenin aityp, halyq qalaýlylary osy túitkildi túbegeili sheshýge kúsh salsa degen oiyn jetkizdi.
Ánshiniń sózinshe, uzaq jolǵa shyqqan jolaýshylar úshin taza ári qolaily dárethana tabý ońai emes. Bul jaǵdai ásirese áielderge, balalarǵa, qarttar men densaýlyǵynda ereksheligi bar azamattarǵa aitarlyqtai qolaisyzdyq týǵyzady.
Aita keteiik, respýblikalyq jáne oblystyq mańyzy bar avtojoldar boiyndaǵy sanitarlyq nysandardyń jai-kúii buǵan deiin de qoǵamda birneshe ret talqyǵa túsken. Áleýmettik jeli qoldanýshylary da Merýert Túsipbaevanyń kótergen máselesin qoldap, bul túitkildiń áli kúnge deiin tolyq sheshilmegenin jazýda.
