QR Ekologiia, geologiia jáne tabiǵi resýrstar ministri Serikqali Brekeshev elimizde kiikti jappai attýǵa ruqsat berilmeitinin aitty, dep habarlaidy QazAqparat.
«Kiikterge qatysty sheshimdi áli qabyldaǵan joqpyz. Osy aidyń sońyna deiin tiisti uiǵarym bolatynyn aitqan edim. Qandai sheshim qabyldansa da, bul baǵyttaǵy jumystardy kelesi jyldyń kúzinde bastaimyz. Jappai atýdan bas tarttyq. Kiikterdi jappai atýǵa qatysty sheshim qabyldamaimyz», - dedi Serikqali Brekeshev Senattyń jalpy otyrysynan keiin tilshiler saýalyna jaýap bere otyryp.
Budan buryn habarlanǵandai, biyl tamyz aiynda Serikqali Brekeshev Qazaqstanda kiik sanyn retteý máselesi qazan aiynda sheshiletinin aitqan edi.
Osy oraida kelesi jyly aqyly ańshylyq bastalýy múmkin ekeni de habarlanǵan.
