قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ەلٸمٸزدە كيٸكتٸ جاپپاي اتتۋعا رۇقسات بەرٸلمەيتٸنٸن ايتتى, دەپ حابارلايدى قازاقپارات.
«كيٸكتەرگە قاتىستى شەشٸمدٸ ەلٸ قابىلداعان جوقپىز. وسى ايدىڭ سوڭىنا دەيٸن تيٸستٸ ۇيعارىم بولاتىنىن ايتقان ەدٸم. قانداي شەشٸم قابىلدانسا دا, بۇل باعىتتاعى جۇمىستاردى كەلەسٸ جىلدىڭ كٷزٸندە باستايمىز. جاپپاي اتۋدان باس تارتتىق. كيٸكتەردٸ جاپپاي اتۋعا قاتىستى شەشٸم قابىلدامايمىز», - دەدٸ سەرٸكقالي برەكەشەۆ سەناتتىڭ جالپى وتىرىسىنان كەيٸن تٸلشٸلەر ساۋالىنا جاۋاپ بەرە وتىرىپ.
بۇدان بۇرىن حابارلانعانداي, بيىل تامىز ايىندا سەرٸكقالي برەكەشەۆ قازاقستاندا كيٸك سانىن رەتتەۋ مەسەلەسٸ قازان ايىندا شەشٸلەتٸنٸن ايتقان ەدٸ.
وسى ورايدا كەلەسٸ جىلى اقىلى اڭشىلىق باستالۋى مٷمكٸن ەكەنٸ دە حابارلانعان.
