25 aqpanda tań atpastan Ýkraina astanasy Kievte birneshe jarylys boldy. Bul jóninde ÝNIAN agenttigi habarlady.
Azattyq radiosynyń jazýynsha, Ýkraina ishki ister ministrligi de aqparatty rastaǵan.
"Kievti qanatty nemese ballistikalyq zymyranmen atqylap jatyr" dep málimdedi ishki ister ministrliginiń keńesshisi Anton Gerashenko.
Agenttik buǵan qosa, Kievtiń Troeshina aýdanynda shamamen alty jarylys bolǵanyn habarlady.
Ýkraina ishki ister ministrliginiń habarlaýynsha, áýe soqqysyna qarsy júie qalaǵa baǵyttalǵan drondardyń birin atyp túsirgen, ol Kievtiń ońtústik-shyǵysyndaǵy aýmaqqa qulaǵan.
Reseilik dron qulaǵannan keiin Kievte 9 qabatty turǵyn úi órtengen.
Buǵan deiin Ýkraina biligi Resei áskeri Kievti 25 aqpan tań atpai atqylaidy dep boljaǵan. Ýkraina prezidenti keńsesiniń keńesshisi Aleksei Arestovich 25 aqpan "eń qorqynyshty kún" dep málimdegen.
