25 اقپاندا تاڭ اتپاستان ۋكراينا استاناسى كيەۆتە بٸرنەشە جارىلىس بولدى. بۇل جٶنٸندە ۋنيان اگەنتتٸگٸ حابارلادى.
ازاتتىق راديوسىنىڭ جازۋىنشا, ۋكراينا ٸشكٸ ٸستەر مينيسترلٸگٸ دە اقپاراتتى راستاعان.
"كيەۆتٸ قاناتتى نەمەسە بالليستيكالىق زىمىرانمەن اتقىلاپ جاتىر" دەپ مەلٸمدەدٸ ٸشكٸ ٸستەر مينيسترلٸگٸنٸڭ كەڭەسشٸسٸ انتون گەراششەنكو.
اگەنتتٸك بۇعان قوسا, كيەۆتٸڭ تروەششينا اۋدانىندا شامامەن التى جارىلىس بولعانىن حابارلادى.
ۋكراينا ٸشكٸ ٸستەر مينيسترلٸگٸنٸڭ حابارلاۋىنشا, ەۋە سوققىسىنا قارسى جٷيە قالاعا باعىتتالعان درونداردىڭ بٸرٸن اتىپ تٷسٸرگەن, ول كيەۆتٸڭ وڭتٷستٸك-شىعىسىنداعى اۋماققا قۇلاعان.
رەسەيلٸك درون قۇلاعاننان كەيٸن كيەۆتە 9 قاباتتى تۇرعىن ٷي ٶرتەنگەن.
بۇعان دەيٸن ۋكراينا بيلٸگٸ رەسەي ەسكەرٸ كيەۆتٸ 25 اقپان تاڭ اتپاي اتقىلايدى دەپ بولجاعان. ۋكراينا پرەزيدەنتٸ كەڭسەسٸنٸڭ كەڭەسشٸسٸ الەكسەي ارەستوۆيچ 25 اقپان "ەڭ قورقىنىشتى كٷن" دەپ مەلٸمدەگەن.
