Ishki ister ministrligi respýblika aýmaǵynda «Hi-tech» jedel aldyn alý sharalaryn ótkizdi, dep habarlaidy "Ult aqparat".
«Ótken aptada Ishki ister ministrligi respýblika aýmaǵynda «Hi-tech» jedel aldyn alý sharalaryn ótkizdi. Bul sharalar kiberqylmys pen internet-alaiaqtyqtan eskertý, olardy áshkereleýge baǵyttalǵan. Operatsiia júrgizilgen birneshe kúnniń ishinde osy jaǵdailar boiynsha 155 zańbuzýshylyq tirkeldi», - dedi IIM resmi ókili Nurdildá Oraz ministrliktiń baspasóz máslihatynda.
Onyń aitýynsha buryn jasalǵan 161 qylmystyń beti ashylǵan. Olardyń kóbi internet-alaiaqtyqqa qatysty oqiǵalar.
«Erkin ainalymnan tyiym salynǵan myńǵa tarta ónim tárkilendi. Olardyń qatarynda kontrakfaktty diskiler, jazba júrgizýge arnalǵan tehnikalyq qurylǵylar, litsenziialanbaǵan baǵdarlamalyq qamtamasyz etý quraldary bar», - dedi ol.
