ٸشكٸ ٸستەر مينيسترلٸگٸ رەسپۋبليكا اۋماعىندا «Hi-tech» جەدەل الدىن الۋ شارالارىن ٶتكٸزدٸ, دەپ حابارلايدى "ۇلت اقپارات".
«ٶتكەن اپتادا ٸشكٸ ٸستەر مينيسترلٸگٸ رەسپۋبليكا اۋماعىندا «Hi-tech» جەدەل الدىن الۋ شارالارىن ٶتكٸزدٸ. بۇل شارالار كيبەرقىلمىس پەن ينتەرنەت-الاياقتىقتان ەسكەرتۋ, ولاردى ەشكەرەلەۋگە باعىتتالعان. وپەراتسييا جٷرگٸزٸلگەن بٸرنەشە كٷننٸڭ ٸشٸندە وسى جاعدايلار بويىنشا 155 زاڭبۇزۋشىلىق تٸركەلدٸ», - دەدٸ ٸٸم رەسمي ٶكٸلٸ نۇردٸلدە وراز مينيسترلٸكتٸڭ باسپاسٶز مەسليحاتىندا.
ونىڭ ايتۋىنشا بۇرىن جاسالعان 161 قىلمىستىڭ بەتٸ اشىلعان. ولاردىڭ كٶبٸ ينتەرنەت-الاياقتىققا قاتىستى وقيعالار.
«ەركٸن اينالىمنان تىيىم سالىنعان مىڭعا تارتا ٶنٸم تەركٸلەندٸ. ولاردىڭ قاتارىندا كونتراكفاكتتى ديسكٸلەر, جازبا جٷرگٸزۋگە ارنالعان تەحنيكالىق قۇرىلعىلار, ليتسەنزييالانباعان باعدارلامالىق قامتاماسىز ەتۋ قۇرالدارى بار», - دەدٸ ول.
