Búgin shaibaly hokkeiden 2021 jylǵy álem chempionatynyń elitalyq divizionynda Qazaqstan quramasy Italiiadan basym tústi, dep habarlaidy "Ult aqparat".
Alǵashqy kezeńniń 2-minýtynda Roman Starchenko Qazaqstan quramasyn alǵa shyǵarsa, 24-minýtta italiandyq Andjelo Micheli tarazy basyn teńestirdi. Al 32-minýtta qazaqstandyq Egor Petýhov qaqpa toryn dál kózdedi, al Evgenii Rymarev 35-minýtta mergendik tanytty. Esep 3:1. Alǵashqy eki kezeńniń nátijesimen qazaqstandyq hokkeishiler basymdyǵyn arttyra tústi.
Sheshýshi úshinshi kezeńde quramalar bir-biriniń qaqpasyna birneshe shaiba soǵyp ketti. Oiynnyń 41-minýtynda Nikita Mihailis óz múmkindigin múlt jibergen joq. Degenmen arada on sekýnd ótkende italiandyq Peter Hohhofler esep aiyrmasyn qysqartty. Budan keiin qazaqstandyq qurama sapynan Kiortis Valk 46, Artiom Lihotnikov 47, 49-minýttarda gol soqsa, italiandyq Aleks Petan 50-minýtta mergendik tanytty. Al Kirill Paniýkov 54, Roman Starchenko 56, Viktor Svedberg 57, Egor Shalapov 59-minýtta qazaqstandyq quramanyń basymdyǵyn arttyra tústi. Osylaisha Qazaqstan quramasy qarsylasynan 11:3 esebimen basym tústi.
Qazaqstandyq hokkeishileri atalǵan jeńisinen keiin týrnir kestesinde ekinshi orynǵa kóterildi.
Eske salsaq, Qazaqstan quramasy biylǵy týrnirde buǵan deiin bes kezdesý ótkizip, úsheýinde jeńiske jetti. Aldymen býllitten Latviiadan 2:1, Finliandiiadan 3:2 esebimen basym tússe, odan keiin AQSh-qa 0:3 esebimen ese jiberdi. Tórtinshi kezdesýde Germaniiany 3:2 esebimen tize búktirip, odan keiin Kanadaǵa 2:4 esebimen jol berdi.
Aita ketsek, endi Qazaqstan quramasy 31 mamyrda Norvegiiamen muz aidynǵa shyǵady. Al Italiia 30 mamyrda Kanadamen, 1 maýsymda AQSh-pen sheberlik baiqasady.
