بٷگٸن شايبالى حوككەيدەن 2021 جىلعى ەلەم چەمپيوناتىنىڭ ەليتالىق ديۆيزيونىندا قازاقستان قۇراماسى يتالييادان باسىم تٷستٸ, دەپ حابارلايدى "ۇلت اقپارات".
العاشقى كەزەڭنٸڭ 2-مينۋتىندا رومان ستارچەنكو قازاقستان قۇراماسىن العا شىعارسا, 24-مينۋتتا يتالياندىق اندجەلو ميچەلي تارازى باسىن تەڭەستٸردٸ. ال 32-مينۋتتا قازاقستاندىق ەگور پەتۋحوۆ قاقپا تورىن دەل كٶزدەدٸ, ال ەۆگەنيي رىمارەۆ 35-مينۋتتا مەرگەندٸك تانىتتى. ەسەپ 3:1. العاشقى ەكٸ كەزەڭنٸڭ نەتيجەسٸمەن قازاقستاندىق حوككەيشٸلەر باسىمدىعىن ارتتىرا تٷستٸ.
شەشۋشٸ ٷشٸنشٸ كەزەڭدە قۇرامالار بٸر-بٸرٸنٸڭ قاقپاسىنا بٸرنەشە شايبا سوعىپ كەتتٸ. ويىننىڭ 41-مينۋتىندا نيكيتا ميحايليس ٶز مٷمكٸندٸگٸن مٷلت جٸبەرگەن جوق. دەگەنمەن ارادا ون سەكۋند ٶتكەندە يتالياندىق پەتەر حوححوفلەر ەسەپ ايىرماسىن قىسقارتتى. بۇدان كەيٸن قازاقستاندىق قۇراما ساپىنان كيورتيس ۆالك 46, ارتيوم ليحوتنيكوۆ 47, 49-مينۋتتاردا گول سوقسا, يتالياندىق الەكس پەتان 50-مينۋتتا مەرگەندٸك تانىتتى. ال كيريلل پانيۋكوۆ 54, رومان ستارچەنكو 56, ۆيكتور سۆەدبەرگ 57, ەگور شالاپوۆ 59-مينۋتتا قازاقستاندىق قۇرامانىڭ باسىمدىعىن ارتتىرا تٷستٸ. وسىلايشا قازاقستان قۇراماسى قارسىلاسىنان 11:3 ەسەبٸمەن باسىم تٷستٸ.
قازاقستاندىق حوككەيشٸلەرٸ اتالعان جەڭٸسٸنەن كەيٸن تۋرنير كەستەسٸندە ەكٸنشٸ ورىنعا كٶتەرٸلدٸ.
ەسكە سالساق, قازاقستان قۇراماسى بيىلعى تۋرنيردە بۇعان دەيٸن بەس كەزدەسۋ ٶتكٸزٸپ, ٷشەۋٸندە جەڭٸسكە جەتتٸ. الدىمەن بۋلليتتەن لاتۆييادان 2:1, فينلياندييادان 3:2 ەسەبٸمەن باسىم تٷسسە, ودان كەيٸن اقش-قا 0:3 ەسەبٸمەن ەسە جٸبەردٸ. تٶرتٸنشٸ كەزدەسۋدە گەرمانييانى 3:2 ەسەبٸمەن تٸزە بٷكتٸرٸپ, ودان كەيٸن كاناداعا 2:4 ەسەبٸمەن جول بەردٸ.
ايتا كەتسەك, ەندٸ قازاقستان قۇراماسى 31 مامىردا نورۆەگييامەن مۇز ايدىنعا شىعادى. ال يتالييا 30 مامىردا كانادامەن, 1 ماۋسىمدا اقش-پەن شەبەرلٸك بايقاسادى.
