Qurlyqtyq hokkei ligasy aiasynda «Barys» búgin, 14 qańtarda elordada «Salavat Iýlaev» (Qazan) komandasymen kezdesti, dep habarlaidy "Ult aqparat".
Komandalar týrnirdiń plei-off kezeńine shyǵý maqsatynda bar kúshin salyp keledi. Aita keteiik, «Barys» sońǵy 10 kezdesýdiń 7-de basymdyq tanytty. Al «Salavat Iýlaev» sońǵy 10 oiynda nebári 3 ret qana jeńildi. Elordalyq klýb 49 upaimen 16 orynda tursa, «Salavat Iýlaev» 58 upaimen 7 orynǵa jaiǵasqan.
Búgingi kezdesýde reseilik klýb sapynan Filip Larsen 13-minýtta esep ashty. Odan keiin «Barys» hokkeishileri Kirill Paniýkov 22, Iakob Lilia 28, Nikita Mihailis 29-minýttarda mergendigimen kózge tústi. «Salavat Iýlaev» oiynshylary Sakari Manninen 32, Djeff Plett 37, Aleksandr Alekseev 41-minýttarda gol soǵyp ketti. Al Markýs Granlýnd 47-minýtta «Salavat Iýlaevtyń» basymdyǵyn arttyra tústi. Qorytyndy esepti 58-minýtta reesilik hokkeishi Piotr Hohriakov belgiledi. Oiynda «Barys» qarsylasynan 3:6 esebimen jeńilip qaldy.
Endi «Barys» elordada 17 qańtarda Reseidiń «Amýr» (Habarovsk) komandasyn qabyldaidy.
