قۇرلىقتىق حوككەي ليگاسى اياسىندا «بارىس» بٷگٸن, 14 قاڭتاردا ەلوردادا «سالاۆات يۋلاەۆ» (قازان) كومانداسىمەن كەزدەستٸ, دەپ حابارلايدى "ۇلت اقپارات".
كوماندالار تۋرنيردٸڭ پلەي-وفف كەزەڭٸنە شىعۋ ماقساتىندا بار كٷشٸن سالىپ كەلەدٸ. ايتا كەتەيٸك, «بارىس» سوڭعى 10 كەزدەسۋدٸڭ 7-دە باسىمدىق تانىتتى. ال «سالاۆات يۋلاەۆ» سوڭعى 10 ويىندا نەبەرٸ 3 رەت قانا جەڭٸلدٸ. ەلوردالىق كلۋب 49 ۇپايمەن 16 ورىندا تۇرسا, «سالاۆات يۋلاەۆ» 58 ۇپايمەن 7 ورىنعا جايعاسقان.
بٷگٸنگٸ كەزدەسۋدە رەسەيلٸك كلۋب ساپىنان فيليپ لارسەن 13-مينۋتتا ەسەپ اشتى. ودان كەيٸن «بارىس» حوككەيشٸلەرٸ كيريلل پانيۋكوۆ 22, ياكوب ليليا 28, نيكيتا ميحايليس 29-مينۋتتاردا مەرگەندٸگٸمەن كٶزگە تٷستٸ. «سالاۆات يۋلاەۆ» ويىنشىلارى ساكاري ماننينەن 32, دجەفف پلەتت 37, الەكساندر الەكسەەۆ 41-مينۋتتاردا گول سوعىپ كەتتٸ. ال ماركۋس گرانلۋند 47-مينۋتتا «سالاۆات يۋلاەۆتىڭ» باسىمدىعىن ارتتىرا تٷستٸ. قورىتىندى ەسەپتٸ 58-مينۋتتا رەەسيلٸك حوككەيشٸ پيوتر حوحرياكوۆ بەلگٸلەدٸ. ويىندا «بارىس» قارسىلاسىنان 3:6 ەسەبٸمەن جەڭٸلٸپ قالدى.
ەندٸ «بارىس» ەلوردادا 17 قاڭتاردا رەسەيدٸڭ «امۋر» (حاباروۆسك) كومانداسىن قابىلدايدى.
