HQO-larǵa tek aldyn ala bronmen barýǵa bolady, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasyna silteme jasap.
«Azamattardyń kóptep jinalýyn jáne virýsty juqtyrý qaýpin boldyrmaý maqsatynda keibir óńirlerdegi HQO-lar azamattardy qatań túrde tek aldyn jasalǵan bron negizinde qabyldaidy. Epidemiologiialyq jaǵdaidyń nasharlaýyna bailanysty óńirlerdiń bas sanitarlyq dárigerleri Nur-Sultan, Atyraý, Qostanai, Rýdnyi, Tobyl, Taldyqorǵan, Shymkent, Temirtaý, Óskemen jáne Semei qalalarynyń HQO-larynyń jumysy boiynsha arnaiy sheshim shyǵardy. Endi kelýshilerdi qabyldaý tek aldyn ala jazylý arqyly júzege asyrylady», delingen habarlamada.
Baspasóz qyzmetiniń málimetinshe, bul ózgerister aýyldy jerler men aýdan ortalyqtarynyń HQO-larynyń jumysyna qatysy joq.
HQO ǵimaratynda qatań túrde betperde taǵý tártibin saqtaý qajet. Qashyqtyqty saqtaý úshin arasy 1,5-2 metr bolatyn belgi syzylǵan. Árbir HQO-da sanitaizerler bar.
«Brondaýǵa ótinim qaldyrý úshin azamattar egov.kz elektrondy úkimet portalyn, eGovKzBot2.0. Telegram botyn paidalanady nemese 1414 nómirine qońyraý shala alady. Brondaý rásiminen keiin azamatqa HQO-ǵa barý ýaqyty týraly tiisti SMS habarlama joldanady.
«Bizdiń áriptesterimiz front ofisterde qyzmet alýshylarmen tikelei bailanysta. Biz kelýshiler men qyzmetkerlerdiń qaýipsizdigin barynsha qamtamasyz etýge tyrysamyz. Sondyqtan qyzmet alýshylarǵa qandaida aýrý belgileri baiqalsa, HQO-ǵa barýdan bas tartýǵa keńes beremiz», – deidi memlekettik korporatsiianyń tóraǵasy Ádil Qojyqov.
