حقو-لارعا تەك الدىن الا برونمەن بارۋعا بولادى, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» مەملەكەتتٸك كورپوراتسيياسىنا سٸلتەمە جاساپ.
«ازاماتتاردىڭ كٶپتەپ جينالۋىن جەنە ۆيرۋستى جۇقتىرۋ قاۋپٸن بولدىرماۋ ماقساتىندا كەيبٸر ٶڭٸرلەردەگٸ حقو-لار ازاماتتاردى قاتاڭ تٷردە تەك الدىن جاسالعان برون نەگٸزٸندە قابىلدايدى. ەپيدەميولوگييالىق جاعدايدىڭ ناشارلاۋىنا بايلانىستى ٶڭٸرلەردٸڭ باس سانيتارلىق دەرٸگەرلەرٸ نۇر-سۇلتان, اتىراۋ, قوستاناي, رۋدنىي, توبىل, تالدىقورعان, شىمكەنت, تەمٸرتاۋ, ٶسكەمەن جەنە سەمەي قالالارىنىڭ حقو-لارىنىڭ جۇمىسى بويىنشا ارنايى شەشٸم شىعاردى. ەندٸ كەلۋشٸلەردٸ قابىلداۋ تەك الدىن الا جازىلۋ ارقىلى جٷزەگە اسىرىلادى», دەلٸنگەن حابارلامادا.
باسپاسٶز قىزمەتٸنٸڭ مەلٸمەتٸنشە, بۇل ٶزگەرٸستەر اۋىلدى جەرلەر مەن اۋدان ورتالىقتارىنىڭ حقو-لارىنىڭ جۇمىسىنا قاتىسى جوق.
حقو عيماراتىندا قاتاڭ تٷردە بەتپەردە تاعۋ تەرتٸبٸن ساقتاۋ قاجەت. قاشىقتىقتى ساقتاۋ ٷشٸن اراسى 1,5-2 مەتر بولاتىن بەلگٸ سىزىلعان. ەربٸر حقو-دا سانيتايزەرلەر بار.
«برونداۋعا ٶتٸنٸم قالدىرۋ ٷشٸن ازاماتتار egov.kz ەلەكتروندى ٷكٸمەت پورتالىن, eGovKzBot2.0. Telegram بوتىن پايدالانادى نەمەسە 1414 نٶمٸرٸنە قوڭىراۋ شالا الادى. برونداۋ رەسٸمٸنەن كەيٸن ازاماتقا حقو-عا بارۋ ۋاقىتى تۋرالى تيٸستٸ SMS حابارلاما جولدانادى.
«بٸزدٸڭ ەرٸپتەستەرٸمٸز فرونت وفيستەردە قىزمەت الۋشىلارمەن تٸكەلەي بايلانىستا. بٸز كەلۋشٸلەر مەن قىزمەتكەرلەردٸڭ قاۋٸپسٸزدٸگٸن بارىنشا قامتاماسىز ەتۋگە تىرىسامىز. سوندىقتان قىزمەت الۋشىلارعا قاندايدا اۋرۋ بەلگٸلەرٸ بايقالسا, حقو-عا بارۋدان باس تارتۋعا كەڭەس بەرەمٸز», – دەيدٸ مەملەكەتتٸك كورپوراتسييانىڭ تٶراعاسى ەدٸل قوجىقوۆ.
