Úkimettiń baspasóz ortalyǵynda ótken brifingte Densaýlyq saqtaý ministri Eljan Birtanov hidjamanyń meditsinalyq qyzmettiń tizimine kirmeitinin málim etti, dep habarlaidy Baq.kz tilshisi.
«Meniń suraǵym hidjamaǵa qatysty. Qazirgi tańda qan alýdyń tóńireginde halyq arasynda túsinbeýshilikter týyndap jatqan kórinedi. Mysaly, Aqtóbe oblysynyń bas dárigeri hidjamany jasatý óte qaýipti ekenin aityp, ony adamdarǵa jasatpaýǵa keńes bergen. Jalpy Densaýlyq saqtaý ministrliginiń atalǵan máselege qatysty ustanymy qandai?», - dedi jýrnalist Úkimettiń baspasóz ortalyǵynda ótken brifingte.
«Bul qyzmet meditsinalyq qyzmettiń quramyna kirmeidi. Birinshiden, zań boiynsha memleket tarapynan berilip otyrǵan tegin meditsinalyq kómektiń kepildendirilgen kólemine hidjama kirmeidi. Jalpy bul qyzmet ministrlik baqylaityn meditsinalyq qyzmetter tizimine kirmegendikten, ony meditsinalyq qyzmet dep sanamaimyz», - dedi Eljan Birtanov.
Osy oraida Densaýlyq saqtaý ministri meditsinalyq qyzmettiń sapaly kórsetilýine jaýap beretinin jetkizdi.
Aita keteiik, hidjama – emdik maqsatta qandy alýdyń bir joly. Ony deneniń kez-kelgen jerine jasaýǵa bolady. Biraq, kóbine hidjamany jelkege, qos jaýyrynnyń ortasyna jasaidy. Bul ádis Islam elderinde qoldanylady.
