ٷكٸمەتتٸڭ باسپاسٶز ورتالىعىندا ٶتكەن بريفينگتە دەنساۋلىق ساقتاۋ مينيسترٸ ەلجان بٸرتانوۆ حيدجامانىڭ مەديتسينالىق قىزمەتتٸڭ تٸزٸمٸنە كٸرمەيتٸنٸن مەلٸم ەتتٸ, دەپ حابارلايدى Baq.kz تٸلشٸسٸ.
«مەنٸڭ سۇراعىم حيدجاماعا قاتىستى. قازٸرگٸ تاڭدا قان الۋدىڭ تٶڭٸرەگٸندە حالىق اراسىندا تٷسٸنبەۋشٸلٸكتەر تۋىنداپ جاتقان كٶرٸنەدٸ. مىسالى, اقتٶبە وبلىسىنىڭ باس دەرٸگەرٸ حيدجامانى جاساتۋ ٶتە قاۋٸپتٸ ەكەنٸن ايتىپ, ونى ادامدارعا جاساتپاۋعا كەڭەس بەرگەن. جالپى دەنساۋلىق ساقتاۋ مينيسترلٸگٸنٸڭ اتالعان مەسەلەگە قاتىستى ۇستانىمى قانداي?», - دەدٸ جۋرناليست ٷكٸمەتتٸڭ باسپاسٶز ورتالىعىندا ٶتكەن بريفينگتە.
«بۇل قىزمەت مەديتسينالىق قىزمەتتٸڭ قۇرامىنا كٸرمەيدٸ. بٸرٸنشٸدەن, زاڭ بويىنشا مەملەكەت تاراپىنان بەرٸلٸپ وتىرعان تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸنە حيدجاما كٸرمەيدٸ. جالپى بۇل قىزمەت مينيسترلٸك باقىلايتىن مەديتسينالىق قىزمەتتەر تٸزٸمٸنە كٸرمەگەندٸكتەن, ونى مەديتسينالىق قىزمەت دەپ سانامايمىز», - دەدٸ ەلجان بٸرتانوۆ.
وسى ورايدا دەنساۋلىق ساقتاۋ مينيسترٸ مەديتسينالىق قىزمەتتٸڭ ساپالى كٶرسەتٸلۋٸنە جاۋاپ بەرەتٸنٸن جەتكٸزدٸ.
ايتا كەتەيٸك, حيدجاما – ەمدٸك ماقساتتا قاندى الۋدىڭ بٸر جولى. ونى دەنەنٸڭ كەز-كەلگەن جەرٸنە جاساۋعا بولادى. بٸراق, كٶبٸنە حيدجامانى جەلكەگە, قوس جاۋىرىننىڭ ورتاسىنا جاسايدى. بۇل ەدٸس يسلام ەلدەرٸندە قولدانىلادى.
