Biyl Qazaqstannyń memlekettik tili Qazaq tili dep jariialanǵanyna 28(!) jyl toldy. Alaida kórgenimiz - baiaǵy jartas: Bógde tildegi ministr, ákim, depýtat, qoǵamǵa qyzmet, aqparat, teledidar, mádeniet, t.b. Bul aralyqta sovet shekpeninen shyqqan bar respýblikada memlekettik til jańǵyrdy, qutty ornyna jaiǵasty, jalǵyz bizde Qazaq tili qýdalanýda. Áitpese Qazaqsha qyzmet suraǵan azamat nege sottalady, endi biri ondai talaby oryndalmaǵanda nelikten ashtyq jariialaýǵa bekinedi? Qazaqstandai óz tiliniń janashyryn qorlaǵan el bar ma álemde? Rasy sol, bilik úndemese de, zaman ózgerdi, halyqtyń sanasy men namysy oiandy. Shydamnyń da shegi bar. Aitpaǵym bir: shendiler osylaisha Ata zań men Qazaq tilin mensinbeýin doǵarmasa, túbi jamandyq bolady.
***
Ótkende Qyzyljarda orystildi ortamen san kezdesýde talai jaqsy oilar aityldy. Qysqasha: Birinshiden, Qazaq tilin oqymaimyn, bilgim joq degen bir adam bolmady. Ekinshiden, Qazaq tiliniń qajettigin dál osylai 15-20 jyl buryn bizge nege eshkim qadap aitpady? Úshinshi, orystildige biliktiń ózi nege qatań talap qoimaidy - oqý men jumysta? Tórtinshiden, ketetini ketti, al biz Qazaqstan azamaty bolǵandy qalaimyz. Nelikten bizge orysshany tyqpalai beredi, nelikten Qazaqtyń ózi tildik orta quryp, bizben qazaqsha sóilespeidi? Bir slavian boijetken Petropavldy Qyzyljar qylyp ózgertý jaily ýáj aitty. Sońǵysy, kesh te bolsa osyny betimizge ashyq aitqanǵa rahmet degeni. Núkte.
Rasýl Jumalynyń feisýktaǵy jazbasynan
