بيىل قازاقستاننىڭ مەملەكەتتٸك تٸلٸ قازاق تٸلٸ دەپ جارييالانعانىنا 28(!) جىل تولدى. الايدا كٶرگەنٸمٸز - باياعى جارتاس: بٶگدە تٸلدەگٸ مينيستر, ەكٸم, دەپۋتات, قوعامعا قىزمەت, اقپارات, تەلەديدار, مەدەنيەت, ت.ب. بۇل ارالىقتا سوۆەت شەكپەنٸنەن شىققان بار رەسپۋبليكادا مەملەكەتتٸك تٸل جاڭعىردى, قۇتتى ورنىنا جايعاستى, جالعىز بٸزدە قازاق تٸلٸ قۋدالانۋدا. ەيتپەسە قازاقشا قىزمەت سۇراعان ازامات نەگە سوتتالادى, ەندٸ بٸرٸ ونداي تالابى ورىندالماعاندا نەلٸكتەن اشتىق جارييالاۋعا بەكٸنەدٸ? قازاقستانداي ٶز تٸلٸنٸڭ جاناشىرىن قورلاعان ەل بار ما ەلەمدە? راسى سول, بيلٸك ٷندەمەسە دە, زامان ٶزگەردٸ, حالىقتىڭ ساناسى مەن نامىسى وياندى. شىدامنىڭ دا شەگٸ بار. ايتپاعىم بٸر: شەندٸلەر وسىلايشا اتا زاڭ مەن قازاق تٸلٸن مەنسٸنبەۋٸن دوعارماسا, تٷبٸ جاماندىق بولادى.
***
ٶتكەندە قىزىلجاردا ورىستٸلدٸ ورتامەن سان كەزدەسۋدە تالاي جاقسى ويلار ايتىلدى. قىسقاشا: بٸرٸنشٸدەن, قازاق تٸلٸن وقىمايمىن, بٸلگٸم جوق دەگەن بٸر ادام بولمادى. ەكٸنشٸدەن, قازاق تٸلٸنٸڭ قاجەتتٸگٸن دەل وسىلاي 15-20 جىل بۇرىن بٸزگە نەگە ەشكٸم قاداپ ايتپادى? ٷشٸنشٸ, ورىستٸلدٸگە بيلٸكتٸڭ ٶزٸ نەگە قاتاڭ تالاپ قويمايدى - وقۋ مەن جۇمىستا? تٶرتٸنشٸدەن, كەتەتٸنٸ كەتتٸ, ال بٸز قازاقستان ازاماتى بولعاندى قالايمىز. نەلٸكتەن بٸزگە ورىسشانى تىقپالاي بەرەدٸ, نەلٸكتەن قازاقتىڭ ٶزٸ تٸلدٸك ورتا قۇرىپ, بٸزبەن قازاقشا سٶيلەسپەيدٸ? بٸر سلاۆيان بويجەتكەن پەتروپاۆلدى قىزىلجار قىلىپ ٶزگەرتۋ جايلى ۋەج ايتتى. سوڭعىسى, كەش تە بولسا وسىنى بەتٸمٸزگە اشىق ايتقانعا راحمەت دەگەنٸ. نٷكتە.
راسۋل جۇمالىنىڭ فەيسۋكتاعى جازباسىنان
